Diyarname
Hilbijartina ku duh li Herêma Kurdistanê û Iraqê li dar ket hêdî hedî ber bi encamê ve diçin. Her çiqas encamên fermî hê nehatibin ragihandin agahiyên pêşî wisa nîşan didin: Li Iraqê bi giştî Koalîsyona Nasir ku di bin rêberiya Serokwezîrê Iraqê Haydar el-İbadî de bû bi ser ket. Li Herêma Kurdistanê jî PDK serketiye ku herî zêde wê mebûs bi dest xistine.
PDK li Duhok û Hewlêrê, YNK jî li Silêmanî bi ser ketiye. Li Kerkûkê hê jî nîqaş didomin.
Li aliyê din li seranserê Iraqê rêjeya beşdariya hilbijartinê gelek kêm bûye û tê gotin ku di sedî 44 de maye.

Li Herêma Kurdistanê çar partiyan li ser hilbijartina dengan îtîraz kir. Li aliyê din Rojnewsê li ser vê meseleyê wisa nivîsî: "Ji bo lêkolînkirina li ser şikayetên der barê pêkhatina hilbijartinê de hatine kirin, Bexda 3 lijne dişîne Herêma Kurdistanê."Li Iraqê li gor Zagona Bingehîn divê di 90 rojan de hikumet bê avakirin. Li bendê ne ku roja duşemê komîsyona hilbijartinê encamên fermî ragihîne. Serokdewletê Iraqê Fûad Masûm di nav 15 rojan de dê bang li meclisê bike ku li hev bicive. Di vê danişîna yekem de dê serokê meclisê û du cîgir bêne hilbijartin.
 

**

Nûçeyên Eleqedar:

- Notên ji hilbijanrtina li Başûr û Iraqê 

- Li Iraq û Herêma Kurdistanê dengdan bi dawî bû

- Komîsyona Hilbijartina Iraqê agahî dan û bang kir