NAVENDA NÛÇEYAN
Li seranserî Herêma Kurdistanê û Iraqê îro di saet 07:00'an de welatiyan berê xwe da navendên dengdanê û dengên xwe dan. Di saet 18:00'an de jî dengdan bi dawî bû.
Li Herêma Kurdistanê û serarserê Iraqê 24 mîlyon 349 hezar û 357 kesî mafên dengdanê hebûn, ji hilbijêran 3 mîlyon 144 hezar û 730 kes li parêzgehên Herêma Kurdistanê (Dihok, Hewlêr û Silêmaniyê) mafên wan ên dengdanê hebû.
Li seranserî Iraqê 55 hezar û 323 navendên dengdanê hebû. Li wan navendan 133 hezar û 415 kes wekî nûnerên hêzên siyasî, 74 hezar û 646 kes jî wekî çavdêrên navxweyî, 963 kes wekî çavdêrên biyanî û 329 rojnameger ji derve hilbijartin şopandin.
Li Kurdistan û Iraqê bi giştî 320 hêz û hevpeymanên siyasî bi 88 lîsteyan ketin hilbijartinê. Ji van 215 jê partiyên siyasî ne, 27 jî kaolîsyon in. Ji bo 329 kursiyan ketin pêşpawiyê.
Li Herêma Kurdistanê jî 503 namzet li ser navê 25 lîste û hevpeymanan ketin pêşbirkê.
Wê encamên fermî piştî 48 saetan were ragihandin.