Diyarname
 
Hate ragihandin ku îsal sedî 25 buhaya nan zêde dibe. Federasyona Firinkaran a Tirkiyeyê buhabûna arvan wekî sedem nîşan da û dixwaze buhaya nan jî zêde bike.

Serokê Federasyonê Halil Îbrahîm Balci ragihand ku buhaya arvan pir zêde bûye û bûye mecbûrî ku buhaya nan zêde bikin.

Federasyonê hesaba li ser maliyeta nan şand odeya esnafan. Bi vê yekê re odeya esnafan dê bikaribe sedî 25 buhaya nan zêde bike.

Naneke 300 gram dê bibe 75 YKr. Di wanê grama nan de jî standardeke hate çêkirin. Wezareta Çandiniyê diyar kir ku ji niha û pêde dê nan herî hindik bi 300 gramî bin.
Heta niha nanê 200 gramî li hin deran bi 30 YKr, li hin deran jî bi 35-40 YKr'yî dihat firotin.