Ev agahî her tê nûkirin...

19.00

Cenazeyê Mam Celal li Girê Debaşan bi merasîmekî ku bi hezaran kes tevlî bûn hat definkirin.

Piştî definkirinê peyamana Polîtburoya YNK'ê hat xwendin û têde sipasiya her kes û derdorê beşdarî merasimê bûne hat kirin. Dûre li ser navê malbatê kurê Mam Celal, Qubad Talebanî ku axivî û got; “Ez spasiya ji bo xwe westandina we hemûyan dikim. Di çarçoveya Kurdistanê de peyamên we gihîştin destê me û sersaxî we kir. Niha em sersaxiya ji bo me hemûyan dikin. Ji ber ku Mam ne tenê ji bo me malbatê bû, ji bo xebata gelê xwe jiyana xwe derbas kir. Divê em sûd ji Mam bigirin ku hemû hewldanên wî ji bo aştî û jiyana bi hev re bûn. Divê em hemû dest bidin hev, daxwaza wekhevî û aştiyê bikin.”

15.00

Daşikên Aştiyê sersaxî xwestin

Meclisa Dayikên Aştiyê ya Amedê ji bo Mam Celal îro daxuyanî. Li ser navê wan Sultan Koyun got ku ji ber wefata Celal Talebanî hemû gelê kurd xemgîn e û ew mirovekî hêja bûye û wiha berdewam kir: "Celal Talebanî dostê dostê xwe bû, ew jî serokekî gelê kurd bû. Wî ji aştiyê gelekî hez dikir û ji bo kurdan gelekî zehmetî kişand."

14.30

HDP'ê 3 roj şîn ragihand

Heyeta HDP'ê berî here Silêmaniyê daxuyanî da çapemeniyê. Berdevkê HDP'ê Osman Baydemîr ragihand ku wan sê roj şîn ragihandiye.  

14.00

Pêşmergeyan jî Mam Celal bibîr anîn

Hêzên pêşmergeyan xemgîniyên xwe bi awayên cur bi cur anîn ser holê. Di hemû cih û avahiyên leşkerî de, şîn û xembariya pêşmerge li ber çavan e. Di gelek baregehan de pêşmerge li dor wêneyê Mam Celal ê agir li dor pêxistibûn ketin rêzê.

 

13.00
Bi dehehezan mirov ber bi goristanê ve diçin... Gelek kesî kincên reş li xwe kirine. 

12.30
Cenazeyê Mam Celal ji bo bibin Mizgefta Mezin ketin rê. Piştî nimêjê dê cenaze bibin goristana Debaşan. 
 

12.00

Cenazeyê piştî merasimê dê li Debaşan a Silêmaniyê bê definkirin. Amadehî hatine temamkirin.

11.30

Cenazeyê Mam Celal gihîşt Balafirgeha Navnetewî ya Silêmaniyê. Ligel Serokê Herêma Kurdistana Federal Mesûd Barzanî, Serokwezîrê Herêma Kurdistana Federal Nêçîrvan Barzanî, Serokomarê Iraqê Fûad Masûm, Wezîrê Karên Derve Cewad Zarîf, ji Serokwezîrên berê yên Iraqê Nûrî Malîkî, Cîgirê Serokomar û ji Serokwezîrên berê Iyad Allawî  bi deh hezaran kesî pêşwazî li cenazeyê kir. Ji Bakur jî heyeta HDP'ê li wir e. Balyozê Neteweyên Yekbûyî yê Iraqê Jan Kubis, Balyozê DYA'yê yê Iraqê Duglas Siliman, Wezîrê Karên Derve yê Îranê Mihemed Cewad Zerîf û hin nûnerên welatên din amade bûn.

Li vir sirûda Ey Reqîb û sirûda neteweyî ya Iraqê hat xwendin, paşê rêberan gurzên gulan danîn ber tabûtê.

09.00

Cenazeyê Rêberê YNK'ê û Serokomarê berê yê Iraqê Celal Talabanî vê sibê ji Almanyayê (Saet li dor 05.30) ji nexweşxaneyê hat girtin û ber bi silêmaniyê ve hat rêkirin.

Talabanî ku her kurdî jêre "Mam Celal" digot roja 3'yê vê mehê li Almanyayê wefat kiribû.

***

Nûçeyên Eleqedar:

- Wêneyê Rojê: Wêneyek ji merasima şîna Mam Celal 

- Vaye cihên ku dê ji bo Mam Celal şîn bê danîn 

- Cenazeyê Talebanî wê li Debaşan were definkirin 

- Demîrtaş: Mirina Talabanî ji bo hemû mirovahî windabûnek mezin e 

- Turk: Gere em xelata Mam Celal bînin cih

- Mam Celal xatir xwest