Diyarname
Xelatên Emmy ku wekî Oscarên cîhana televîzyone têne hesibandin duh bi şev li xwediyên wan hatin belavkirin.

Di şeva ku aliyê Neil Harris pêşkêşvaniya wê kir de wekî par îsal jî Mad Men wekî Rêzefîlmê Herî Serketî hat hilbijartin. Mad Men di 16 waran de di warê dramaye de berendam bû. Xelata Rêzefîlmê Komediyê yê Herî Serketî dîsa wekî Mad Med serketiyê par "30 Rock" bi dest xist. Lîstikvanê heman rêzefîlmî Alec Baldwin jî di Warê komedî de xelata Lîstikvanê Herî Serketî bi dest xist.
Toni Collette ku di "United States Of Tara" de dilîze Xelata Lîstikvana Herî Serketî ya heman beşê bi dest xist.

Her wiha ji sala 1961'ê ve yekem car anîmasyonekî bi navê "The Flinstones" di warê komediya televîzyonê de ji bo berendamtiya xelata Emmy tê nîşandayîn.

Rêzefîlmên navdar "Lost" ku hem ji ser înternetê re, hem jî di televîzyonê de tê nîşandayîn di 5 beşan de bû berendamê xelatan, lê tenê xelatek girt: Lîstikvanê rêzefîlmî Michael Emerson di warê dramayê de xelata Lîstikvanê Herî Serketî bi dest xist.

Û hin sazkar û listikvanên ku xelat girtin:

- Di beşa Dramayê de Lîstikvanê Herî Serketî: Michael Emerson (Lost)

- Di beşa Dramayê Lîstikvana Herî Serketî: Cherry Jones (24)

- Di beşa Komedî de Lîstikvanê Duyem ê Herî Serketî: Jon Cryer (Two and a Half Men)

- Di beşa Komedî de Lîstikvana Duyem a Herî Serketî: Kristin Chenoweth (Pushing Daisies)

- Di beşa Komedî de Derhênerê Herî Serketî: Jeff Blitz (The Office)

- Di beşa Dramayê de Derhênerê Herî Serketî: Rod Holcomb (ER)