Diyarname
Ji rojnameya Starê Serdar Turgut li Washingtonê beşdarî gelek civînên li ser kurdan bûye û di rojnameyê de çavdêriyên xwe nivîsiye. Ji nivîsê diyar e ew ne wekî nivîskar, wekî aktîvîstekî beşdar bûye. Em vî alî datînin kêlekê û hin notan ji nav nivîsa wî werdigerînin. Her çi be, bi van notan mirov hinekî eleqeya kurdan ya li Washingtonê dibîne. Ew dibêje, "Di van hevdîtinan de Amerîka di warê 'Kurdistan'ê de diyar e çiqas bê rêgez û alîgir e.' Min di van hevdîtinan de dît ku li hemberî îtîfaka DYA û kurdan tiştek ku Tirkiye li Washingtonê bike nîn e. Tiştê balkêş aliyê kurdan di hevdîtinan de gelek bi baldarî û bi endaze diaxive, lê aliyê Amerîka li hemberî Tirkiyeyê bi kîn û bi hêrs e."
Vane hin notên ji wê nivîsa Turgut (31.07.2017, Star):
- Ji tiştê min bihîstin demek ez hêrs bûm, min xwest rabim bersivê bidim lê ez wekî rojnameger akredîte bûm û min hestên xwe huş kirin, bêdeng li wan guhdarî kir
- A rast mijara bingehîn a hemû hevdîtinan qaşo Rêveberiya Herêmî ya Kurdan a Iraqê (RHKI) bû lê bi awayekî neyê vegotin jî amerîkî li serxwebûna kurdan a li Bakurê Sûryeyê difikirîn.
- Dema min ji pisporên bi salan li vir kar dikin pirsa 'Amerîka çi dike? kir, wisa bersiv dan: 'Amerîka der barê kurdan de dê polîtîkayeke fermî pêşkêş neke lê wekî tu dibînî di her asta rêveberiyê de li hemberî kurdan sempatî gelek e û ji rêveberî heta Kongreyê di her astê de kurdan wekî şirîkê stratejîk dibînin. Amerîka niha dê bê helwest be, lê 'de facto' piştgriiya serxwebûna RHKI bike, hem jî dê pêşî lê negiri ku li Sûriyeyê Rojava di pêşerojê de ber bi serxwebûnê ve here. Tiştên ez û hevalên min dibînin îro ev e.'
Referandûm
- Yanê tiştên hûn fêm bikin DYA bibêje 'Ez dijî referandûma RHKI me' jî ew piştgirî dide serxwebûna RHKI.
Rewşa Rojava
- Li Bakurê Sûriyeyê hema niha ber bi dewletbûnê neçe jî dê rê veke ku di nav rewşek federatîf de kurd ber bi xweseriyê ve herin.
- Min fêm kir ku ew nexşeya mezin a Kurdistanê ku di sala 1993'yan de dît dîsa di rojevê de ye. Niha yekbûna Bakurê Iraqê û Bakurê Sûriyeyê zor be jî kurdên ji bo van bigihînin hev ku li vir dixebitin hene. Amerîkayî bi awayekî eşkere neynin ziman jî bi awayekî erînî li kesên ji bo vê yekê dixebitin dinêrin.
- Çavkaniyên min dibêjin, ji bo vê yekê îstîxbarat li nav RHKI ji bo partiyeke sêyemîn bi awayekî vexarî dixebitin.
- Ji bo îtîfaqa kurdan û amerîkiyan rus jî li rojhilatê Firatê di rewşek alîkar de ye û rastiya herêmê kiriye ku ji bo kirinên Tirkiye sînor bê dayîn.
'Ez aciz bûm, min pirsî'
- Ev 25 sal in ji ber vê nexşeyê dibînin û ji ber hezkirina DYA û kurdan ez aciz im, min bi xwe nekarî û ji navek bi bandor pirsî: "Bingeha vÎ karî çi ye? Ji ber ku Amerîka pir ji kurdan hez dike hûn van yekan dikin? Ji bo dewleteke kurdan çima bi salan e hûn israr dikin?" Bersiva ku min girt gelek bi dirustî bû û ew qas jî balkêş bû: "Na lo ev yek ne bi hezkirinê re eleqedar e. Ev tişt hemû ji bo tirkan aciz bikin, asta wan xira bikin."