Diyarname
Koma muxalîf û navdar Grup Yorum ku her sal li Harbiyeyê derdikeve pêşberî temaşevanên xwe îsal vê kevneşopiyê dîsa didomîne.

Grup Yorum bi diruşma "Stranên me yê gel in. Aîdê gel in. Di jiyana me ya muzîkê de tiştê me ji wan girt em dîsa pêşkêşî wan dikin. Li cihê ku em pêşkêşî wan dikin ji bo me cihek taybet e. Şanogeha Harbiyeyê jî bi vî awayî ciheke ji bo me gelek girîng e" ji sala 2001'ê ve her sal li Harbiyeyê konserê li dar dixe.

Grup Yorum ku di bin her şert û mercê dijwar de hilberîna xwe ya muzîkê didomîne vê carê dê 5'ê vê mehê saet 21.00'ê de bi konserekê vê hilberîna xwe pêşkêşî hezkiriyên xwe bike.

Der barê dîroka Grup Yorum de

Grup Yorum di sala 1985'an de ji aliyê çend xwendekarêh zanîngehê ve hate avakirin û komê heta niha bi giştî 19 album derxistiye.

Heta niha gelek albumên wan hatin berhevkirin, konserên wan hatin qedexekirin, ew hatin binçavkirin, hatin girtin lê wan qet dev ji muzîka xwe berneda û digel hemû zor zehmetiyann karê xwe ye muzîkê û rawestana xwe ya polîtîk didomînin.

Konser: 05.09.2009
Saet: 21.00
Buhaya Bilêtê: 28,05 TL