Diyarname

Wezareta Karên Hundir a Tirkiyeyê bi biryarek nû Hevşaredarê yê DBP'yî Agirî Sirri ji peywirê girt û bi kayyumê dest danî ser Agirî jî.

Di hilbijartina herêmî ya sala 2014'an de li Agirî DBP bi ser ketibû lê AKP'ê gelek caran îtîraz kiribû. Di dawiyê de hilbijartin hatibû betalkirin û di 1'ê pûşpera 2014'an de careke din hilbijartin li dar ketibû. Di vê hilbijartinê de jî DBP bi ser ketibû û Sakik bûbû Hevşaredarê Agirî. Ji par de hikumeta Tirkiyeyê ya ku di destê AKP'ê de ye bi kayyuma dest datîne ser şaredariyên di destê DBP'ê de. 

Heta niha hikumetê bi kayyumê dest danîbû ser zêdeyî 80 şaredariyên DBP'ê. Îro hikumetê dest danî ser şaredariya Agirî jî. Hat gotin ku Waliyê Agirî Musa Işin wekî kayyum hatiye tayînkirin.

Piştî biryarê wekî hemû şaredariyên DBP'ê polîsan dora avahiyê dorpêç kirin. Hevşaredara din Mukaddes Kubilay di meha berfanbara 2016'an de hatibû tewqîfkirin.

Dest danîn ser Stewrê jî

Di vê navberê de îro hikumetê bi kayyumê dest danîn ser Şaredariya Stewrê jî. Polîsan roja 25'ê meha borî Hevşeredarê Stewrê Mehmet Aydin Alokmen girtibû bin çavan. Di vê demê de polîs derketibûn şaneşîna şaredariyê û ala Tirkiyeyê daliqandibûn. Bû 84 şaredarî ku hikumet dest datîne ser û kayyuma peywerdar dike.