Diyarname

Li Paytexta Norwecê Osloyê Nûneriya Rêveberiya Xweser a Demokratîk a Rojava hat vekirin. Bi awayekî fermî ji bo nasîna Rojava ev gavek girîng e.

Di bin banê Şaredariya Oslo de îro saet 13'an de bi axaftina Şaredara Osloyê Marianne Borgen nûnerê hat vekirin. Di vê çarçoveya çalakiyên vekirina nûneriyê de rojên 26-27'ê mehê dê panel bi beşdariya Hevserokên PYD'ê Salih Muslim û Asya Ebdullah li dar bikevin. Her wiha Nûnera Têkiliyên Karên ya Rojava Sînem Mihemed û Nûnerê TEV-DEM'ê Aldar Xelîl û Nûnerê Asûriyan Besam Îshaq jî dê beşdarî panelan bibin.

Di van panelan de wê dîroka şoreşa Rojava, konfederaliya demokratîk, xwseriya demokratîk, şoreşa çekdar a Rojava, jin û çand, di Şoreşa Rojava de rola hêzên navneteweyî, dîplomasiya bêdewlet, lidarketina modela Rojava bê nîqaşkirin.

Berê li bajarên Silêmanî, Moskova, Berlîn, Parîs, Stockholm û Den Haagê Nûneriyên Rêveberiya Xweser a Demokratîk a Rojava hatibûn vekirin.