Diyarname

Nûçeyek çawa tê amadekirin? Kî amade dike? Û di nûçeyeke wisa de çend şaşî dikarin bêne bicihkirin? Fermo mînaka îro:

T24 malpereke muxalif e. Divê mirov heqê wan nexwe ku malperek serketiye jî û gelek agahiyên li ser kurdan bi awayekî rast diweşîne jî. Ev hemû li aliyek, lê emê nûçeya wan a îro bigirin dest. Nûçe bi sernavê "DAIŞ'ê li Kerkukê li heman demê çar êrîşên întîxarî pêkanîn" (24.10.2016, saet 22.51) hatiye weşandin.

Di sernavê de pirsgirêk nîn e, lê dema em nûçeyê dixwînin wisa dibêje, "Kerkûk ku demek dirêj e di destê DAIŞ'ê de bû hefteya borî ji aliyê Artêşa Iraqê ve bi paş ve hat girtin."

We got çi?
Di vê nûçeyê de çend şaşî hene?

Em şaşiyên wê bijmêrin belkî kesê/a nûçe çêkiriye hinek bibe xwedî agahî: Yek, Kerkûk ne di bin destê DAIŞ'ê de bû û niha jî ne di destê wan çeteyan de ye. Li Kerkûkê kurd serdest in, rêveberiya wir jî di destê kurdan de ye. Didu, Kerkûk neketiye destê çeteyan ku Artêşa Iraqê bê wê derê rizgar bike. Sisê, li Kerkûkê ji xwe ne Artêşa Iraqê, hêzên Pêşmergeyan wê derê diparêzin. Di êrîşa çeteyên DAIŞ'ê van rojan çêbû û pevçûn derket de jî ne Artêşa Iraqê, pêşmerge û hêzên HPG'ê ew der ji çeteyan paqij kir.

Em keda wan a girîng a biraderên me yên t24 ji bîr nakin û ji bo vê nûçeyê jî bibîra wan dixin ku nûçe bi agahiyên ji vir û wir hatine bihîstin nûçe nayê çêkirin...