Diyarname

Dewleta Tirkiyeyê bi biryara "kayyûmê" dest danî ser Şaredariyên Amedê Sûr û Farqînê.

Hikumeta AKP'ê bi "zagona torbeyê" biryara kayyûmê diaînî lê li meclisê her çar partiyan îmze avêt û ew xal ji nav "zagona torbeyê" derxist. Hat gotin ku dê êdî meseleya kayyûmê nekeve rojevê lê hikumetê ne guh da saziyên sivîl, ne guh da biryara partiyên li meclisê û bi KHK'ê (Kanun Hukmunde Kararname/Biryarnameya Di Hukmê Zagonê de) careke din meseleya kayyûmê anî rojevê. Û îro Wezareta Karên Hundir a Tirkiyeyê ku girêdayî hikumeta AKP'ê ye biryara kayyûmê anî cih, dest danî ser şaredariya Sûrê û Farqînê ku her du jî girêdayî Amedê ne.

Wezîrê Karên Hundir ê Tirkiyeyê Suleyman Soylu îro di civîna waliyan de wisa got: "Bi ser rêveberiyên herêmî re feraseta ku piştgirî didin terorêheye. Ev yek ji aliyê dewleta me ve hatiye diyarkirin û ji bo 28 şaredariyan tiştên divê hatiye kirin. Ji vê em bi paş ve gavan navêjin."

Hat gotin ku bi kayyûmê re şaredar ji peywirê hatine girtin ji dêvla wan qeymeqam hatine peywirdarkirin. Ji dêva 9 endamên meclisên şaredariyên bajêr jî hinên nû hatine peywirdarkirin.

HDP'ê û DBP'ê di daxuyaniya xwe de eşkere kiribû ku ew dê kayyûmê nas nekin û wan nedin xebitandin.