Diyarname
Derhêner  Zeki Demirkubuz, Yeşim Ustaoglu, Kazim Oz, Çayan Demirel, İlksen Başarır jî di nav de 200 sînemagerî li ser operasyonên di bin navê "KCK'ê" de li dar dikevin daxuyanî da. Sînemageran daxwaz kir Mujde Arslan û Ozay Şahin bên berdan û di heman demê de gotin ku ev operasyon gihîştine asteke ku metirsiyê derdixin holê.

Saziyên wekî kovara mehane ya sînemayê Altyazi, Festîvala Fîlman a Navneteweyî ya Enqereyê, Navenda Lêkolîna Belgefîlman a Stenbolê, Sîne-Sen, docIstanbul, Fîlmor, Festîvala Fîlman, Festîvalan Fîlman Uçar Supurge, kovara Yeni Film, kesên wekî Zeki Demirkubuz, Yeşim Ustaoglu, İlksen Başarir, Çayan Demirel, Kazim Oz, Alin Taşçiyan, Ahmet Soner, Azize Tan jî têde nêzî 200 sînemagerî daxuyaniyeke weşand. Di daxuyaniyê de gotina Wezîrê Karên Derve yê Tirkiyeyê Îdrîs Naîm Şahîn a wekî "Bi helbest, gotar, wêneyê terorê mafdar nîşan didin" bibîr xistin û gotin ku Şahînî bi awayekî eşkere hunermend û muxalîfan hedef nîşan dane, wî wê çaxê îro nîşan daye.

Hate gotin ku ev operasyon li hemberî kurdan e û wiha dom kirin: "Heta îro jin, mêr, ciwan, extiyar bi hezaran bûne mexdûrê operasyonê, digel xwendekar, siyasetmedar, rojnameger, karker, akademîsyenan êdî hunermend jî hedef in. Em wekî sînemager, em ji van operasyonên belavî her derê civakê bûne aciz in. Piştî daxuyaniya Wezîrê Karên Hundir vê operasyona ku berê xwe daye hunermendan em şermezar dikin, em daxwaz dikin ku hevalên me yên sînemager Mizgîn Mujde Arslan û Ozay Şahin di cih de bêne berdan."

***

Nûçeya eleqedar:

- Ji bo Mujde Aslan û binçavkirinên din daxwaza berdanê

- Îro nêzî 100 kesî hatin binçavkirin