Diyarname
Xelatên Pulitzerê ku di warê rojnamegeriyê de xelatên herî navdar in îsal jî têne belavkirin. Di nav beşê de herî zêde New Yort Timesê xelat girt.

Rêveberê xelatên Pulitzerê Sig Gissler li Zangingeha New York Columbiayê xelatên "Muzîk û Drama, Wêje û Rojamegeriyê yên Pulitzerê" yên 2009'an eşkere kir.

Îsal New York Timesê di beşa rojnamegeriyê de 5 xelat girt û yekemînî bi dest xist. Par Washington Postê 6 xelat girtibû lê îsal tenê yek girt.

Xelatên Pulitzerê ji sala 1917'an ve têne belavkirin û li DYA'yê (Dewletên Yekbûyî yên Amerîkayê) xelatên herî navdar in û wekî Oscarên Rojnamegeriyê têne bi nav kirin.

Vane xelatên ku hatin belavkirin:

Beşa rojnamegerî:

- Xizmeta ji bo raya giştî: Las Vegas Sun (Xelata medelyeya zêrîn girt).

- Rojnamegeriya Flaş: Xebatkarên rojnameya The New York Timesê

- Rojnamegeriya Lêkolînî: Ji The New York Timesê David Barstow

- Rojnamegeriya Eşkerekirinê: Ji rojnameya Los Angeles Timesê Bettina Boxall û Julie Cart Amy Harmon

- Rojnamegeriya Hêrêmî: Rojnamegerên Detroit Free Press û ji rojnameya East Valley Tribune  Ryan Gabrielson û Paul Giblin

- Rojnamegeriya Neteweyî: Rojnamegerên St. Petersburg Times

- Rojnamegeriya Navneteweyî: Rojnamegerên The New York Timesê

- Nivîs: Ji rojnameya St Petersburg Timesê Lane DeGregory

- Şirovem: Ji rojnameya The Washington Postê Eugene Robinson

- Rexne: Ji rojnameya The New York Timesê Holland Cotter

- Sergotar: Ji The Post-Starê Mark Mahoney

- Karîkatur: Ji The San Diego Union-Tribune Steve Breen

- Fotografê Nûçeya Flaş: ji The Miami Heraldê Patrick Farrell (Fotografê reş û sipî yê ku drama bagerê nîşan dida)

- Fotografê nûçeyê: ji The New York Timesê Damon Winter

Xelatên din:

Di rêzeya wêjeyê, di beşa "vesazhonan" de nivîskar Elizabeth Strout bi pirtûka xwe ya çîrokan "Olive Kitteridge" xelat girt.
Di beşa "Dram"ê de jî nivîskar Lynn Nottage bi lîstika xwe "Ruined" ku li Kongoyê derbas dibe xelat girt.

Di rêzeya "Dîrok"ê de Annette Gordon-Reed bi pirtûka xwe ya bi navê “The Hemingses of Monticello-An American Family” xelat girt. Annette Gordon-Reed yekem nivîskara amerîkî ya bi eslê xwe afrîkî ye ku xelatê digire.

Di rêzeya "Biyografî" de nivîskar Jon Meacham bi pirtûka xwe “American Lion: Andrew Jackson in the White House” xelat bi dest xist.

Di rêzeya "Helbest"ê de W.S. Merwin bi helbesta xwe “The Shadow of Sirius” xelata  xelat girt. Hate gotin ku ev duyemîn car e ku Merwin Pulitzerê digire.

Di rêzeya "roman"ê de Douglas A. Blackmon bi pirtûka xwe “Slavery by Another Name: The Re-Enslavement of Black Americans from the Civil War to World War II” bû xwediyê xelata Pulitzerê.

Di rêzeya "muzîk"ê de Steve Reich bi berhema xwe “Double Sextet” dest avêt xelatê.

Yên ku xelata Pulitzerê bi dest dixin wekî xelat 10 hezar dolar pere digirin. Tenê di beşa xizmeta raya giştî de madelyaya didin rojnameya ku ev xelat girtiye.

Îsal yekem car destûr dan ku rojnamegeriya online ya înternetê jî beşdarî pêşbaziyê bibe lê di vî warî de xelat nehatin dayîn.

Xelata Pulitzer bi mîrateya rojnamegerê amerîkî yê bi eslê xwe macar Joseph Pulitzer (10 avrêl 1847 - 29 kewçêr 1911) ku pêşkêşî Zanîngeha Columbiaya kiribû hate amade kirin û hate dayîn.