Diyarname
Hevserokê DTP'ê Ahmet Turk îro di Civîna Koma Meclisê de axivî, li ser operasyonan sekinî û got:

- Ev operasyona li hemberî 4'emîn partiya mezin a Tirkiyeyê gaveke derveyî hiqûqe ye. Ev bêtehamuliya li hemberî hilbijartinê ye.

- Bi van çewsandinên li ser partiya dixwazin partiya me def bidin derveyî siyaseta demokratîk. Lê bila her kes bizanibe di vê têkoşîna demokrasî û aştiyê de kes nikare pêşî li me bigire. Berdêla wê çi dibe bila bibe emê de ji helwesta xwe ya demokratîk bernedin û têkoşîna xwe bidonînin.

- Piştî hilbijartinên gotinên Serokwezîr bûne sedema vê operasyonê. Ev bêtehamuliya li hemberî encamên hilbijartinê ye. Ev yek li derveyî hiqûq û demokrasiyê ye, nêzîktêdayîneke neyariyê ye. Em hikumetê hişyar dikin û bang li rêxistin û saziyên demokratîk dikin ku pejinkar bin.

- Li Riha di pîrozbahiyeke ji rêzê de du ciwan hatin kuştin. Berdevkê hikumetê dibêje gihîştin sînorê Ermenistanê. Ev yek helwesta hikumetê bi awayekî eşkere nîşan dide.

- Tu hêzeke nikare DTP'ê têk bibe. Divê di cih de operasyon bêne rawestandin û hevalên me yên di bin çavan de ne serbest bêne berdan.

**

Nûçeyên bi vê re eleqedar:

-Kesên hatine binçavkirin

- Li hemberî DTP'ê operasyonek mezin pêk anîn