Diyarname
Li Zelandaya Nû heyecana dê ala xwe biguherînin an na dihat nîqaşkirin; Di encamê de biryara referandûmê hat girtin û encam: Gel biryar da ku al neguhere.
Ji bo al bê guhartin an na referandûm hat kirin. Li gor encamên pêşî sedî 56,6'ê kesên beşdarî referandûmê bûne gotine bila al neguhere. Biryara teqez dê roja çarşemî (30'ê adarê) bê eşkere kirin. Referandûm bi 17 mîlyon dolarî li ser wan bû mal.
Zelandaya Nû berê di bin dagirkeriya Îngilistanê de bû, di ala wê ya heyî de li aliyê jorê çepê "The Union Jack" heye ku monarşiya îngiliz temsîl dike.
Li welat gelek kesî digot ev al dagirkeriyê temsîl dike, loma divê em biguherînin. Serokwezîrê Zelandaya Nû John Key jî piştgirî dida meseleya guherîna alê. Piştî nîqaşek wisa li welat gelek nimûneyên nû li ser alê (bi ser 40'î re mînak) hatin çêkirin. Paşê heyetek hat sazkirin û hejmara mînakan daxistin 5'an. Di berfanbara par de mînaka ala nû hate diyar kirin ku di referandûmê de li hemberî ala heyî dê biketa pêşbaziyê. Ev mînak jî ji aliyê gelek derdorî ve hatibû rexnekirin.
Û di dawiyê de referandûm çêbû û gel gotina xwe got: NA. Roja çarşemî dê encamên fermî bêne eşkerekirin û rewş bi temamî zelal bibe.
***
REKLAM
- Ji Kurt Tarîhî 'Kurd û Kurdistan'