Diyarname

Kovara "Kurt Tarîhî" ku du mehan careke derdikeve di vê hejmara xwe de dosyaya xwe li ser "Di Şerê Cîhanê yê 1'emîn de Kurd û Kurdistan" amade kiriye.

Kovara ku bi tirkî weşanê dike bi hejmara xwe ya adar-avrêl, hejmara 23'yan derket pêşberî xwendevanên xwe.

Kovar bi gelek nivîsên balkêş careke din derket û hat belavkirin. Kovara ku her hejmarê dosyayek amade dike û her carê kesek edîtoriya dosyayê dike di vê dosayê editor Vecdi Demîr e. Ji nivîsên dosyayê Robert Olson ji serhildanên kurdan SerhildanaŞêx Seîd, ya Agirî, Dêrsim û êrîşên Hêzên Hewayî yên Tirk sekiniye û ji ser vê re li meseleya pêşketina neteweperestina tirk-kurdan nêriye. Firat Aydinkaya bi sernavê 'Kêmîna tirkan, di nav kurdan de koka tirsa Ermenistanê' û berê xwe daye polîtîkaya Ebdulhemîd a di vî warî de. Wisa dibêje Aydinkaya: "Ebdulhemîd tirsa ermenan bi awayekî hostatî bikar aniye û kurd bi xwe ve girê dane. Dûre Îttîhatparêzan jî heman polîtîka domandiye" û diyar dike ku  bi vê jî kurd ji fikra cudaxwazî dur girtine.

Nivîskar Sinan hakan jî ji Osmanî heta avakirina Komarê têkoşîna hebûna kurdan û Kurdistanê girtiye dest. Di vê nivîsê de xalên serdemên anîne ziman. Sedat Ulugana jî meseleya "Di Şerê Cîhanê yê 1'emîn de Alayên Eşîrên Kurdan" girtiye dest. Vecdi Demir jî li ser meseleya "Îngilîz û Şêx Mehmûd Berzencî" sekiniye.

Hakan Ozoglu jî Di dema Şerê Cîhanê û piştî wê meseleya nîqaşa serxwebûn/xweserî ya li nav elîtên kurd girtiye dest.

Nivîsa dawî jî ji aliyê Evrîm Karakaş ve bi sernavê "Di Şerê Cîhanê yê 1'emîn de Dêrsim"  hatiye nivîsîn.

Ji bo têkilî û xwestinê:

http://www.kurttarihidergisi.org/

kurttarihi@yahoo.com

0532 173 25 09