Diyarname

Amed Spor ku îsal rastî gelek neheqiya tê, niha rastî neheqiyek din jî hat. Ka di vî wari de wê TFF çi bibêje?

Amed Spor di Koma Sor a Lîga 2'yemîn de dilîze. Maça Amed Sporê ligel Sivas Belediye Spore hebû. Amed spor ji bo vê çû Sêwasê lê li Sêwasê tu otelê cih neda wan ku lê bimînin. Li ser vê yekê Amed Spor li otelek 40 kîlometre derveyî bajar bi cih bû û roja 15'ê mehê saet 13'Yan de dê bi Sêwas Sporê re bilîze.

Li Tirkiyeyê heta niha tu rewşek wisa ji bo tu tîmî derneketibû holê. Niha Federasyona Fûtbolê ya Tirkiyeyê (TFF) ku ji hemû tîman û lîgan berpirs e gere li ser vê yekê tiştinan bibêje. Herî hindik temaşevanên Amedê li bendê ne ku TFF daxuyaniyeke şermezariyê biweşîne.

Amed spor berê bi navê "Diyarbakir BB" dilîst, ji ber navê Diyarbekir di maçên deplasmanê de rastî neheqiyan dihat bi taybetî rastî diruşmên nijadperestan dihat. Lê piştî ku navê Amedê li xwe kir ev neheqî zêdetir bûn. Di rewşa herî biçûk de jî PFDK ku girêdayî TFF'ê ye ceza li tîmê birî. Di gelek cezadayînan de jî PFDK adil tevnegeriya û ji bo Amed Spor her asta cezayan bilind kir. Mînak lîstikvanê Trabzonsporê (Di maça TS û GS de) çêr li hakêm kir, tenê 3 maç cezaya nelîstinê lê hat birîn, lê lîstikvanê Amed Sporê Deniz Nakî tenê ji ber aştî xwest cezaya 12 maçan lê birî. Îsal ji bo Amed Sporê bi cezayan derbas bû. Vane hin agahiyên di vî warî de:

- Di serdema îsal de heta niha bi ser 200 hezar TL'yî re cezayê pereyan li Amed Sporê hat birîn.

- Li maçên hundir û derve heta niha bi giştî cezayê 6 maç bê temaşevan lîstina maçê ceza li tîmê hat birîn.

- 6 maç ceza li teknîk dîrektor û her du cîgerên wî ceza hat birîn ku beşdarî maçan nebin.

- Li lîstikvanê wê Deniz Naki 12 maç ceza hat birîn.

- Dîsa li rêveberekî 59 roj mehrûmmana ji mafê rêvebertî û 10 hezar TL ceza hat birîn.