MÊRSÎN (DÎHA) 

Parlamenterê HDP'ê Dengîr Mîr Mehmet Firat diyar kir ku armanca astengkirina hemû hewldanên ji bo birîndaran înfaz e û wiha got: "Li vir wezîrên sivîl, alîkarên wezîran ji dewreyê hatine derxistin. Însiyatîf bi temamî ketiye destê rêveberiya Ergenekonê. Nivîsên wekî 'xwîn bi diranê gur ketiye' dinivîsandin, ji ber vê yekê jî çiqas dikujin ewqas ji xwînê têr nabin."

Parlamenterên HDP'ê yê Mêrsînê Dengîr Mîr Mehmet Firat îdîayên ku li Cizîrê li jêrzemînên du avahiyan birîndar jî di nav de ne gelek kes hatine qetilkirin* nirxand. Firat got ku dema ku duh ew ber bi Cizîrê derdiketin rê gotine ku kesên ku li wir in piranî birîndar in û bi xetereya jiyana xwe winda bikin re rû bi rû ne û wiha berdewam kir: "Wekî HDP hemû hewldanên me ji aliyê hikumetê ve bêbersiv hatin hiştin." Firat destnîşan kir ku ji bo birîndarên li jêrzemînan bên înfazkirin hatine astengkirin û mijulkirin û nirxandina "Hin ji wan ji ber ku xwîn windakirin jiyana xwe ji dest dan. Yên din jî ji bo ku bên înfazkirin hatin rawestandin û qetil kirin."

'Bi kuştinê re bûn kujer'

Firat anî ziman ku ji niha pêve jî dê qatlîam zêde bibin û got: "Nivîsên wekî 'xwîn bi diranê gur ketiye' dinivîsandin, bi çiqas dikijun ew qas ji xwînê têr nabin. Ji ber vê yekê jî qetlîam dê her biçe zêde bibe. Ev ji bo sewalan jî ji bo mirovan jî derbasdar e." 

Mebûsê HDP'ê Firat da zanîn ku rêveberekî encamên tiştên ku li wir diqewimin analîz bike tuneye û nirxandina "Li herêmê siyaseta sivîl tune ye. Li vir desthilatdariya sivîl, wezîr, alîkarên wezîran ji dewreyê hatine derxistin. Însiyatîf bi temamî di destê rêveberiya Ergenekonê de ye."

Firat da zanîn ku tê xwestin welat bi temamî bibe gola xwînê û nirxandina "çi heyf e ku bûye gola xwînê jî" kir.

*Nûçeya Eleqedar:
- Li Cizîrê komkujiyek gelek mezin