ENQERE
Wekîlê Serokê Koma HDP'ê Îdrîs Baluken ji bo ku kesên rê li qetilkirina Serokê Baroya Amedê Tahîr Elçî re rê vekirin bên aşkerakirin li gorî madeyên 104 û 105'emîn ên rêxiznameya meclîsê, û madeya 98'emîn ê Qanûna Bingehîn xwest meclîs lêkolînê bike.
Wekîlê Serokê Koma HDP'ê Îdrîs Baluken ji bo ku kesên rê li qetilkirina Serokê Baroya Amedê Tahîr Elçî re rê vekirin bên aşkerakirin li gorî madeyên 104 û 105'emîn ên rêxiznameya meclîsê, û madeya 98'emîn ê Qanûna Bingehîn xwest meclîs lêkolînê bike û ji bo vê yekê pêşnûme da. Baluken di hinceka pêşnûmeya xwe de diyar kir ku qetilkirina Tahîr Elçî di warê hiqûqî de mijara lêpirsînê yê û di heman demê de divê di warê siyasî de jî bê nirxandin ev pêwîst e û wiha berdewam kir: "Li herêma dîrokî, li herêma ku ji bo gelek şaristaniyan bûye cih û war, ji bo wan malovanî kiriye, em pevçûn û operasyonan naxwazin, bila şer, pevçûn û operasyon dûrê ve demê ye gote û piştre hate qetikirin."
'Qetilkirina Elçî dişibe qetilkirina Dînk'
Di pêşnûmeya ku nirxandina "Elçî ji bo ku kiryarên kuştinên kiryar nediyar û kesên ku rê dane wan bên cezakirin emrê xwe daye" hate kirin de ev tişt hate gotin: "Bi vî awayî, hedefa derûdorên ku piştgiriyê didin îxtidarê û ya AKP'ê bû. Ev bûne hedef, gotina wî ya di bernameya televîzyonekî de ya 'PKK rêxistina terorê nîne' veguherî kampanyaya lîncê. Hem çapemeniya îxtidara siyasî hem jî derûdorên ku têkîliya wan bi îxtidarên salên 90'an ve hene av kişandin aşê vî rejîma lîncê. Piştî ku hewldanên lîncê zêde bû di daxuyaniya daye de gotibû gefên kuştinê lê tê xwarin. Bi qetilkirina Tahîr Elçî ve pêvjoya ku bi encam bû dişibe pêvajoya qetilkirina Hrant Dînk ê di 19'ê çileya 2007'an de."
Vîna siyasî li şûna ronî bike şolî dike
Di pêşnûmeyê de hat diyarkirin ku Elçî ji bo kujerên nediyar ronî bike û kujer bên cezakirin têdikoşiya û wiha hat gotin: "Pişti ew hat qetilkirin, helwesta vîna siyasî li şûna vê qetilkirinê ronî bike xuya dibe ku bêtir şolî dike. wekî çapemeniya alîgir û nivîskarên hevkar jî vê rastiyê şolî û berovajî dikin. Lê ev têkoşîna ku Tahir Elçî li pey xwe hişt dê ji aliyê hevpîşe û hevalên wî ve bi awayekî xurttir bidome. Dê destûr nede ku ser vê dozê bê girtin û ji kurahiya Enqereyê bê derxistin û ronîkirin."
Meclîs mecbûr e ku ronî bike
Di berdewama pêşnîyarnameyê de wiha hat gotin: "Ronîkirina parazvanê mafê mirovan û Serokê Baroya Amedê Tahîr Elçî hem peyvira rayedarên darazê ye û hem jî erk û peyvira esasî ya meclîsê ye. Ji ber vê yekê meclîs mecbûr e vê peyvira ronîkirinê bigire ser milê xwe. Ji ber vê yekê em daxwaz dikin ku komîsyona lêkolînê ya ronîkirina qetilkirina Tahîr Elçî bê avakirin."
**
Nûçeyê eleqedar:
- Di çalakiyan de peyama 'Em hemû wekî Elçî difikirin'
- GALERÎ/Tahir Elçî hat oxirkirin (29.11.2015)
- Sefer Selvî kuştina Elçî xêz kir
- Balikçilar, Minare û Elçî...
- Bernameya rakirina cenazeyê Elçî
- Mebûsên HDP'ê wêneyên Elçî vekirin
- Baydemîr ji bo Elçî axivî: Emê teslîmê faîşmê nebin
.jpg)
.jpg)
.jpg)
.jpg)
