Diyarname
Hevserokê HDP'ê Selahattin Demirtaş yekem car ji ser facebookê re (êvara 30'ê rezberê) bi awayekî yekser bersiva pirsên beşdaran da.
Li Tirkiyeyê ev hewldanek nû ye. Hejmara kesên lê temaşe kir derket dor 150 hezarî. Demirtaş bendava hilbijartinê bilindtir kir.Vane hin gotinên Demîrtaş:
- Ji niha û pêde ji bo me bendav sedî 13 ye, li gor wê emê bixebitin.
- Ez band li AKP, CHP û MHP'ê dikim bila bên em bi hev re ewlehiya sindoqan bigirin. Em amade ne li gel partiyên din li ser vê bi hev re bixebitin.
- Me di hilbijartina din de got 'Emê te nekin serokdewlet' me nekir. Niha ji dêvla 'Emê te nekin serokdewlet' divê em tiştekî din bibînin.
- Ez soz didim emê YOK (Lijneya Bilind a Hîndekariyê) ji holê rakin. Di ciwaniya xwe de ez jî dijî YOK'ê bûm.
- Ez serokwezîr bim ezê meaşê mamosteyan derxim du qatî. Dema perwerdekar pirsgirêkên wî/ê yên kirê, pirsgirên debarê hebin dê çawa bi perwerdehî re eleqedar bibe?
- Bawerî, ol, şêweya jiyanê ji bo me rêgeza demokrasiya pirdengî ye. Ev yek ji bo civaka elewî jî derbas dibe. Ji bo em baweriyek biparêzin ne hewceye em nêzî wê baweriyê bin. Mirov tenê mirov be bes e.
- Ji ber ku em azadiyê ji bo civakê dixwazin Serokomar êrîşê me dike.
- Ligel CHP koalîsyon dibe, em ji bo tu partiyê deriyê xwe nagirin.
- Piştî 1'ê sermawezê ez îhtîmala koalîsyonê dibînim. Ne mimkûn e dê sedî sed çawa be lê dê koalîsyon çêbe. Vê carê Qers nikare pêşî lê bigire.