Diyarname

Li başûr fîrmayeke balafiran bi şirîkatiya fîrmayeke tirkan tê avakirin. Li Tirkiyeyê Şîrketa Atlasjet heye ku balafirên wê difirin gelek bajaran. Niha Atlasjetê bi biraziyê Mesûd Barzanî Mistefa Barzanî re li hev kir ku bi hev re şîrketeke firîna balafiran amade bikin. Şîrketa ku bi navê "Zagrosjet" dê bê avakirin bi sedî 50-50 dê şirîkatî têde çê bibe.

Serokê Lijneya Rêveberiyê yê Atlasjetê Sami Alan li ser bûyerê ji bo çapemeniya tirkî wisa got: "Şîrketeke rêyên hewayî ya ku navenda wê Hewlêr be heta niha tunebû. Ev herêma ku niha bilez pêş dikeve emê deriyê wê li dinyayê vebikin."

Alan ragihandiye ku ew û biraziyê Barzani Mistefa Barzanî bi hev re şîrketê ava dikin û wisa dom kiriye: "Ji herêmê ji bo Tirkiyeyê, Ewropa, Asya û Ewropayê dê firîn çê bibin. Firîna yekemîn dê 9'ê rezberê li dar bikeve. Armanca me ew e ku heta dawiya salê ji bo 7-8 cihan firên pêk bê. Paşê emê hejmarê zêde bikin."