Diyarname
Piştî ku şeva din li Geverê qedexeya derketina kolanan hat ragihandin polîs û leşkeran bi sedan wesayîtên zirxî dest bi operasyonê kirin û bi top, bombe, obus û guleyan êrîşê taxên parastina cewherî kiri. Serê sibê li hemberî komkujiya polîsan bi deh hezaran Geveriyan bedenên xwe kirin mertal. Polîsan welatiyên ber bi taxan ve diçûn dan ber guleyan. Heta niha tê gotin ku 3 kes hatine kuştin, herî hindik 20 kes jî birîndar hene. Piştî vê agahiyê hat gotin ku ji birîndaran kesek din miriye, hejmara kesên hatin kuştin derketiye 4'an.
Hêzên dewletê taxên Orman, Mezarlik, Yeşîldere, Cumhuriyet, Dize û Kişla dorpêç kirin û dan ber guleyan.
Li gor agahiyên ji herêmê tên ji Fermandariya Tugaya Navçeyê û Tabura Efeleran bi sedan hawan hatin avêtin. Gelek hewan li dîwaran û paçeyên malan ketin û di du malan de şewat derket.
Li taxa Kişla jî ber bi destê sibê saet dor 05'an guleyê hawanek li malek 3 qatî ket û di avahiyê de şewat derket. Şewatê heya serê sibê berdewam kir. Kesên di avahiyê de bi zorê jê xilas bûn.
Tê gotin polîsan gule bera kesên bûne mertalên zindî jî dan. Her wiha yên birîndar dibirin nexweşxaneyan jî hatin gulebarankirin.
Dîsa tê gotin ku ji duh êvarê de li gelek taxan elektrîk hatiye birîn û hê jî elektrî tune ye.
Demîrtaş: Li Geverê komkujî heye
Hevserokê HDP'ê Selahattin Demirtaş li ser çapemenî ku dibêje li Geverê xirecir heye, ji hesabê xwe twitterê got: "Li Geverê xirecir nîn e, komkujîh eye. Her çeka ku we berê wê daye gel wê li we vegere û hûnê di bin şerê ku we daye dest pê kirin de bimînin."
Demirtaş rexne li çapemeniya Tirkiyeyê jî kir û got ku di salen 90'î de hûn bêdeng man her tişt baştir bû?
Heyeta HDP'ê diçe Geverê
HDP'ê heyetek ku ji mebûsên Wanê Adem Geverî, Tugba Hezer û mebûsê Agirî Mehmet Emin İlhan, endamên Lijneya Rêveberiya Navendî û Meclisa Partiyê pêk tên diçe Geverê.