Diyarname

Di Premier Lîgê de maçên 4 tîmên di rêzên pêşî de hebû û hem serketinên balkêş çêbûn, hem yekemînê lîgê guherî. Em yek bi yek bêjin...

WHEST HAMÊ MALA CHELSEA XIRA KIR

Tîma Chelsea bi 33 pûanan wekî yekemînê lîgê dest bi rojê kir û bû mêvanê West Ham Unitedê. WHU bi 24 pûanên xwe di rêza 4'an de bû. Di rêza duyemîn de Manchester City bi 32 pûanan di rêza duyemîn, Liverpool jî bi 31 pûanan di rêza sêyemîn de bû. Chelsea ji bo kursiya xwe nede tîmek din divê teqez bi ser biketa.

Maçek xweş dest pê kir. Di deqîqeya 28'an de li ser navê Chelsea Thiago Silva golek avêt û skor bû 1-0. WHU di deqîqeya 40'î de bi gola Manuel Lanzini ku penaltî avêt bersiv da: 1-1. Berî tîm herin hundir di kêliyên dawî de Mason Mount golek mikemel avêt û Chelsea bi 2-1 derxist pêş. Nîveka yekemîn wisa bi dawî bû.

WHU yê ku dest ji maçê bernedida û ji bo wê her pûan muhîm bû di deqîqeya 56'an de bi Bowen bersiv da: 2-2. Û Arthur Masuaku di deqîqeya 87'an de bi golek balkêş encam diyar kir: 3-2. Bi vê serketînê WHU pûanên xwe derxistin 27'an û di maça 15'emîn de cihê xwe yê 4'emînî parast.

LIVERPOOL DI KÊLIYA DAWÎ DE HAT SER XWE

Piştî windakirina pûanan a ji aliyê Chelsea ve kêfa Liverqoolê anî. Liverpoolê ku dê bi Wolverhamptonê re bilîsta bi heyecana yekemîniyê bû. Heta deqîqeyên zêdek ên maçê jî maç bi 0-0 bû, Lê di kêliya herî dawî di 90+4 de Divock Origi encam guhart: 0-1. Bi vê Liverpoolê pûanên xwe derxistin 34'an û bi maçeke zêdetir bû yekemîn. Lê Manchester Unitedê (MC) kursî ji bin kişand.

MC: EV KURSÎ AÎDÊ MIN E

MC'yê ku di nav heyecana serketina ji bo yekemîniyê de bû li Watfordê bû mêvan. Heta niha serketina MC'yê li hemberî Watfordê tune bû. Ev serî dê wisa bidoımiya? Bersiv zû ha: Hê di deqîqeya 4'an de Raheem Sterling encam guhart: 0-1. Piştî vê deqîqeyê jî MC qet nesekinî û di nivîka yekemîn de tam bi temamî bi sedî 81 xwedî gogê bû. Helbet vê bandor li golan jî kir. Piştî Sterlin vê carê Bernardo Silva li sehneyê bû. Di deqîqeya 31'ê de Silva tîm bi 2-0 bir pêş. Û Silva di deqîqeya 63'yan de got rêber em in: 0-3. Di deqîqeya 74'an de li ser navê Watfordê Cucho Hernandez golek avêt lê vê yekê têre nekir. Di dawiya maçê de MC'yê hem reqîbê xwe yê dijwan têk bir û serî xira kir, hem jî bi 3 pûanên girtin Liverpool û Chelsea li dû xwe xistin û bû yekemîn.

Di dawiya hefteya 15'an de rêzên pêşî bi vî rengî çêbûn:

1- Manchester United: 35 pûan

2- Liverpool: 34 pûan

3- Chelsea: 33 pûan

4- WesthamUnited: 27 pûan.