Diyarname

Yekîneyên Parastina Gel (YPG) ku her diçe ber bi artêşbûnê ve diçe, niha hejmara endamên wan diyar bû.

Rojnameya New Yort Timesê (NYT) çû nav YPG'ê ligel wan ma û dûre li ser wan nûçeyek saz kir. NYT'ê got ku ew kordînatan ji baregeha leşkerî ya Koalîsyonê re dişînin û balafirên şer ên Koalîsyonê jî li ser van kordînatan bombeyan bi ser DAIŞ'ê de dibarînin.

NYT'ê got ku ew ji bo vê yekê tenê tabletê bikar tînin, têde li ser Google Earth re cih diyar dikin û bi telefonê kordînatê didin navendê.

Li gor stratejiya leşkerî li dinyayê artêş bi zelalî nabêjin çend endamên wan hene, lê NYT'ê di vî warî de jî agahiyek weşandiye. Rojname dibêje Berdevkê YPG'ê Rêdûr Xelîl gotiye niha 35 hezar leşkerên YPG'ê hene. 

Foto:  Mauricio Lima