Stenbol
TUSÎAD'ê li ser rewşa dawî daxuyaniyeke weşand û got: "Êdî tehemula kesî vegere teror û şîdeta wekî serdema berê, tehamulê êrîş û cenazeyên şehîdan nemaye, divê Zûtirîn demê de aştiya civakî û hizûr bê çêkirin."
TUSÎAD'ê di daxuyaniya nivîskî ku weşand de got ku divê hewldana lihevkirina ji bo çêkirina hikumetê bidomin û bi qasî ku mimkûn be di zûtirîn demê de hikumet bê avakin û ew hikumet di warê demokratîkbûn, aborî û civakî de gavên pêşketî biavêje.
Van rojên dawî wekî TUSÎAD'ê saziyên kar û sanayî yên din jî li ser rewşa aboriya Tirkiyeyê disekinin û diyar dikin ku aborî ber bi xirabiyê ve diçe, ji bo vê jî ne hilbijartineke nû, lê divê hikumetek ji koalîsyonê bê çêkirin. MUSÎAD ku nêzî hikumeta AKP'ê ye, wan jî demek berê banga çêkirina hikumetek kiribû. Her wiha dawiya vê hefteyê TURKONFED'ê jî heman bang kiribû.