Diyarname
Ji endamên "Mirovên Akil (Kesên Rûspî)" komek hatin ba hev, piştî civînê bang kirin: "Di cih de bila şer raweste, derbasî dema bêpevçûnê bibin."
Dema pêvajoya çareseriyê dest pê kiribû li ser daxwaza her du aliyan hin mirov bi navê "Akil İnsanlar" (mirov dikare bibêje Kesên Rûspî) hatibûn ba hev, her komek ji wan çûbûn herêmeke û guh dabû mirovan. Van kesan rapor amade kiribûn, ew rapor pêşkêşî hikumeta AKP'ê kiribûn lê paşê tu daxuyanî nehatibû dayîn. Ji van kesan hin di vê hilbijartinê de ji lîsteya AKP'ê bûn mebûs, çend jê ji HDP û partiyên din bûn mebûs. Ji bilî van kesan hin kesên ji vê koma "Akil İnsarlar" îro li ser banga lîstikvanê navdar Kadir Înanir hatin ba hev û bang li dewletê û PKK'ê kirin ku şerawestinê bikin.
Ev mirovên akîl saet li dor 13'yan hatin ba hev, piştî du saetên civînê li ser navê komê nivîskar Ali Bayramoglu daxuyanî da çapemeniyê.
Bayramoglu xwe wekî "komek ji mirovên demek di nav 'Akîl Însanlar' de cih girtine" bi nav kir kir û got: "Em bang dikin ku divê di cih de çek bêne rawestandin û derbasî dema bêpevçûnê bibin."
Bayramoglu got ku wan bi awayekî wijdanî û berpirsiyariya demokratîk, li ser hin libendemayînê hatine ba hev û ew bangê dikin. Nivîskar Bayramoglu wisa got:"Divê her kes dest ji pêşniyarên ku qada demokratîk û siyasetê teng dikin berdin, dest ji zimanê cudaxwaz, sûcdarkirinê berdin û divê qada diyalogê çêbibe. Di vî warî de çi bar bikeve ser milên me emê bikin."
Nivîskar Ali Bayramoglu, lîstikvan Kadir İnanir û Serokê ÎHD'ê Ozturk Turkdogan ji bo civînê bang li 25 kesên di nav "Akil İnsanlar" de cih girtibûn kir. Komek ji wan nekarîn bên. Piştî daxuyaniyê yên ku îmze avêtin bin metnê û gotin ku çi bikeve ser milên wan dê bikin ev in: Kadir İnanir, Ali Bayramoglu, Ozturk Turkdogun, Lami Ozgen, Vahap Coşkun, Oral Çalışlar, Fuat Keyman, Tarik Çelenk, Kezban Hatemi, Zubeyde Teker, Abdurrahman Kurt, Fehmi Koru, Celalettin Can, Beril Dedeoglu, Levent Korkut, Ahmet Faruk Unsal, Cemal Uşşak, Emin Ekmen, Tarhan Erdem, Yilmaz Ensaroglu.