CENOVA - ANF

Şaredariya Cenova, pakta (peymana) biratiyê ya bi Herêmên Kurd ên Xweseriya Demokratîk a Rojava re qebûl kir. Li gor peymanê bi vekirina korîdoreke mirovî û piştevaniyê re gihandina alîkariya mirovî û tenduristiyê digire nav xwe.

Konseya Şaredariyê ya Bajarê Cenova yê Îtalya, xala rojevê ya têkildarî rojavayê Kurdistanê ku ji aliyê encumenên şaredariyê Lucio Valerio Padovani, Antonio Bruno, Simone Farello, Clizia Nicolella, Gian Piero Pastorino, Enrico Pignone û Paolo Putti ve hat pêşkêşkirin qebûl kir. Peymana biratiyê ya bi Herêmên Kurd ên Xweseriya Demokratîk a Rojava re bi şaredariyên Kantona Kobanî û ya Pirsûs a bakurê Kurdistanê re hat qebûlkirin.

Li gor paktê, di çarçoveya Şaredar û Serokatiya Yekîtiya Ewropayê ya Konseya Şaredariyê bi vekirina korîdoreke mirovî û piştevaniyê re wê alîkariyên tenduristiyê û mirovî bigihînin. Dîsa hat ragihandin ku di serî de bi gelê ji ber êrîşên çeteyên DAIŞ’ê neçar man koçî bakurê Kurdistanê bikin û yên niha li Kobanî ne pêwîst e bi Kantonên din ên Rojava re di nav piştevaniyê de bin.

Peyman bi îmzeya her 27 endamên Konseya Şaredariyê di rûniştina îro de hat qebûlkirin.