Diyarname
Hevserokên DTP'ê îro bi civîneke roja diyarkirina berendamên xwe yên şaredariyê eşkere kir.

Civîna çapemeniyê ya li ser hilbijartina şaredariyan a DTP'ê bi beşdariya Hevserokên DTP'ê Ahmet Turk û Emine Ayna li dar ket.

Turk li ser hilbijartinê ev xal pêşkêş kirin:

- Ji bo xebatên hilbijartinê di bin banê DTP'ê de komîsyonekî hilbijartinê ku ji 25 kesan pêk tê hatiye avakirin û dê ev komîsyon xebatên xwe bi hemû derdoran re di nav hevdîtîn û şêwirmendiyê de bimeşîne.

- Di xebatên komîsyonê de dê bi hemû beşên civakê re, derdorên demokratîk re ên herî ber fireh re hevdîtin bê kirin bi civînên girseyî dê berendamên me bên diyarkirin.

- Berendamên ku bên diyarkarin dê ji bo ku xizmetên şarederiyê li gor Xweseriya Demokratîk bên dayîn, dê bêne perwerdekirin.

- Emê li hem li temamê Tirkiyeyê berendamên xwe diyar bikin û hem jî bi derdorên demokratîk re bi hev re tevbigerin.

- Di navbera 21 Sermawêz-5'ê Rêbendanê de dê serîlêdanên ji bo şaredariyê bêne girtin.
Di navbera 20'ê berfanbara 2008'an û 1'ê rêbendana 2009'an de jî dê berendam teqez bêne diyarkirin.

Li ser pirsa bi rengê 'Gelo hûnê li metropolên wekî Stenbol, Enqere û Îzmîrê jî berendaman derxin an na?' Turk wisa got: "Em amede ne ku li van deran pişgirî bidin berendamên hevpar yên çepgir."

Turk li ser piştgirî dayîna berendamê Enqereyê Murat Karayalçin jî wisa axivî: "Ez nikarim der barê şexsan de tiştekî bêjim. Dibe ku hin hevdîtin pêk bên lê heya niha tu hevdîtin nehatiye kirin."