Diyarname
Belgefîlmê Ertugrul Mavioglu û Çayan Demirel ê bi navê "Bakur" ku îro dê li Festîvala Fîlman a Stenbolê bihata nîşandayin rastî sansura Wezareta Çandê ya Tirkiyeyê hat.
Belgefîlm li ser têkoşîna PKK'ê ye. Ji bo belgefîlm derhêner li gelek qampên PKK'ê bûn mêvan, ew der kişandin, her wiha ji gelek aliyan ve bi rêveberên PKK'ê re hevdîtin kirin. Ji van dîmenan belgefîlmê bi navê "Bakur" kişandin. Festîvala Fîlman a Stenbolê belgefîlm girt nav bernameya xwe. "Bakur" roja 12'yê mehê saet 16.00'an de li Salona Atlasê dê bihata nîşandayîn, lê berî nîşandayînê bi çend saetan hat ragihandin ku belgefîlmî nîşan nadin.
Weqfa Çand û Hunerê ya Stenbolê (ÎKSV) ku festîvalê li dar dixe li ser nîşanedayîna belgefîlm got: "Li gor xala 15'an a Isûl û Bingeha Rêziknameya Nîşandayîna Fîlmên Sînemayê û Dabeşkirina Wan fîlmên ku li Tirkiyeyê bêne nîşandayîn mecbûr in belgeya qeyda tescîlkirinê bigirin. Li gor vê rêgezê fîlmên ku li Tirkiyeyê hatibin kişandin mecbûr in vê belgeyê bigirin nexwe dê rastî prosedura hiqûqî bên. Yên ku ev belge negirtin dê li festîvalê neyên nîşandayîn. Ji ber vê yekê belgefîlmê Çayan Demirel 'Bakur' dê neyê nîşandayîn. Ger belgeya qeyda tescîlkirinê bigire di rojên pêş me de emê nîşan bidin."
İKSV'ê gotiye ku ji bo fîlmên biyanî belgeyeke wisa nîn e û ev yek li daxuyaniy xwe zêde kiriy: "Em wekî Festîvala Fîlman a Stenbolê dibêjin ku ev nêzîktêdayîna ku ji bo fîlmên biyanî divê ji bo fîlmên Tirkiyeyê jî bê qebûlkirin."
Surela Fîlm Yapim gotiye ku raste rast ji Wezareta Çandê daxwaza sansurkirina belgefîlmê me hatiye.
Her wiha festîvalê gotiye fîlmên ji Tirkiyeyê yên din jî divê vê belgeyê bînin
Sedem wezareta çandê ye
Sazkarê belgefîlm "Surela Fîlm Yapim" li ser vê sansurê daxuyaniyeke weşand û got: "Wezareta Çandê car caran bi vê belgeyê sansureke kêfî datîne pêşberî azadiya ramanê Wezareta Çandê azadî û mafê sînemageran digire bin lingan, ligel hemû îtîraz û têkoşîna me jî vê sansurê didomîne û em vê sansurê qebûl hakin."
Derhêner dicivin
Di festîvalê de gelek berhemên ku ev belge hê negirtine here. Di festîvalê de fîlmên ji Tirkiyeyê zêdetir di hefteya duyemîn a festîvalê, yanê hefteya pêşiya me têne nîşandayîn. Niha ne diyar e dê rewşa wan çawa be. Di vê navberê de sazkar û derhênerê belgefîlmê Bakur û hin sînemagerên din dê saet 18.00'an de li Salona Cezayîrê li hev bicivin û li ser vê rewşa dawî daxuyaniyeke bidin.
Wekî notek: Wezareta Çandê ya Tirkiyeyê ev biryar nû negirtiye. Ev biryar hebû, hin festîvalên li Tirkiyeyê guh nedidan vê biryarê û berhem nîşan didan ku yek ji wan jî Festîvala Stenbolê ye, hin festîvalan di dema serîlêdanê de di cih de ev belge dixwestin û ger belge nehata ew nedigirtin nav bernameyê. Wisa diyar e ku ji ber naveroka belgefîlm jî zorek mezin ji jor de bi ser Festîvala Stenbolê de hatiye.
Nûçeyên eleqedar:
- Derî vebûn: Li Stenbolê du hefte fîlm serdest in!
- Belgefîlmên kurdan li Festîvalê li benda we ne
- Fîlmên kurdan li Festîvala Stenbolê dibin mêvan
- Agahiyên nû li ser Festîvala Fîlman a Stenbolê
- Pêşbaziya belgefîlman jî li festîvalê hate zêdekirin