Cemil Oguz

Kurd xwedî derd in. Niha dikin ku wê derdê xwe bi belgefîlman bînin ziman. Cihê nîşandayîna vî derdî û pêşkêşkirina berhemên li ser vî derdî jî festîval in. Yek ji wan festîvalan jî Festîvala Fîlman a Navneteweyî ya Stenbolê ye. Festîvala navborî li Tirkiyeyê niha festîvala herî mezin e û ew cih dide berhemên derhênerên kurd jî.. 

Festîval îsal 34'emîn car di navbera 4-19'ê vê mehê de li dar dikeve. Di nav bernameyê de hin belgefîlmên derhênerên kurd jî hene. Ew belgefîlm di bin beşa Pêşbaziya Belgefîlman de têne nîşandayîn. Ji vê beşê me belgefîlmên derhênerên kurd ji bo we neqandin:

Şilfîtazî

Derhêner: Zekeriya Aydogan

Sal 2015, 47 deqe, bi kurdî

Roja nîşandayînê: 17.04.2015, Set 16.00, Navenda Çanda Fransiz 

Aso di emrê xwe yê 75 salan de du pîşe bi dest xistine. 30 sal berê dema cîrana wan Latîfe zarok tîne we jêre dapîrikî dike û paşê navê wê li herêmê wekî "dapîrik" belav dibe. 20 salan gelek zarok bi keda wê têne dinê. Pîşeya wê ya duyem jî ew e ku li ser wesiyeta hevalên wê, dema ew dimirin, ew wan dişo û defin dike. Aso di nav bûyîn û mirinê de, bêyî dilê mirovan bihêle xizmeta wan dike. Belgefîlm çîroka Aso pêşkêş dike.

Beroj

Derhêner: Omer Leventoglu, İhsan Kaçar 

Sal 2015,  70 deqe, bi kurdî

Roja nîşandayînê: 17.04.2015, Saet 21.30, Navenda Çanda Fransiz 

Li ser navê hemû kurdan kurd li Kobanî li hemberî çeteyên DAIŞ'ê ber xwe didin. Li qampên ji bo kurdên Rojava li Bakur hatine çêkirin kurdek bi navê Ehmed Remo heye ku her du lingên wî seqet in. Ew her roj li ser gir, li pêşberî Kobanî rûdine û li benda xebera xêrê ye. Belgefîlm bi ser Çîroka Ehmed Remo re berxwedana Kobanî pêşkêş dike.

Tenî

Derhêner: Cihan Savucu, Erol Karakaya / 24 deqe, bi kurdî û tirkî

Roja nîşandayînê: 14.04.2015, Saet 19.00, Navenda Çanda Fransiz

Belgefîlm çîroka mirovên ku komir çêdikin û bi vî awayî debara xwe dikin pêşkeş dike. Belgefîlm têkiliya çîroka bûyîna komir an mirovbûyîn de saz dike.

Gavur Mahallesî

Derhêner: Yusuf Kenan Beysulen

Sal 2014,  95deqe,. bi tirkî

Roja nîşandayînê: 13.04.2015, Saet 21.30, Navenda Çanda Fransiz 

Belgefilm li ser pirçandî, ji cihê xwe sirgûnbûn, koç û yên dinbûn e... Di sala 1953'yan de ew li ber destê hedad dest bi kar dike, bi salan paşê ew bi pênûsa xwe careke din Amedê dinivîse. Ew Margos Usta ye ku bi navê xwe Migirdîç Margosyan li pêşberî me ye. Belgefîlm qala çîroka Margosyan û Amedê dike.

Çinara Spî

Derhêner: Kazim Oz 

Sal 2015, 85 deqe, bi kurdî û tirkî

Roja nîşandayînê: 15.04.2015, Saet 21.30, Navenda Çanda Fransiz

Li gundê çiyê yê Hozata Dêrsimê Zeynel Dede (Zeynel Kahraman) hostayeke kurd e ku temenê wî gihîştiye nêzî 100'î û hostatiya gelek tiştî dike. Belgefîlm çîroka balkêş a Zeynel Dede pêşkêş dike.

Bakur

Derhêner: Çayan Demirel, Ertugrul Mavioilu 

Sal 2015, 92 deqe, bi kurdî û tirkî

Roja nîşandayînê: 12.02.2015, Saet 16.00, Atlas

Bakur temaşevanan dibe çiyê nava refên gerîlayên PKK'ê û ji gelek aliyan ve balê dikişîne ser jiyan û têkoşîna wan.

Belgefîlm li derveyî pêşbaziyê tê nîşandayîn.

** 

Nûçeya eleqedar:

- Fîlmên kurdan li Festîvala Stenbolê dibin mêvan

- Agahiyên nû li ser Festîvala Fîlman a Stenbolê
- Pêşbaziya belgefîlman jî li festîvalê hate zêdekirin

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.  

REKLAM 

"Ji Osmanî heta Komarê Dêrsim"