Cemil Oguz

Hûn diçin li fîlmekî temaşe dikin bi wî fîlmî hûn dikarin pergala dewletek jî, hûn dikarin pergala perwerdehiya wê dewletê jî rexne bikin. Ev dewlet dewlete sosyalîst be û qala girîngiya mirovan bike zêdetir mesele balkêş dibe. Em qala fîlmê derhêner Ernesto Daranas Serrano dikin. Fîlmê bi navê "Conduct" wekî "Hal ve Gidiş" (Rewş û Rêveçûn) li tirkî hatiye wergerandin. Fîlm wekî fîlmê vekirina festîvalê hat nîşandayîn û hat ecibandin. Yên ku temaşe nekirine dê du carên din jî fîlm bê nîşandayîn.

Cih Kuba. Zarokekî 12 salî. Diçe dibistanê. Diya wê tilyakkêş ku her sermest tê malê, bav li holê nîn e... Zarok kûçikên ku ji bo qumarê di pevçûnan de têne bikaranîn xwedî dike û şîdeta di van pevçûnan de xwe nîşan dide bandorê li wî jî dike, loma li dibistanê ew wekî kesek şîdetparêz, kesek divê bê terbiyekirin lê dinêrin... Li alyê din mamosteya wî Carmela ku dehan salên xwe daye perwerdehiyê û li nav dibistanê, li nav pergalê xwedî hurmetek mezin... Jiyana van her du kesan bi nexweşketina Carmelayê re diguhere. Mamosteya ku tê cihê Carmelayê ji bo Chala bişîne dibistaneke din dikeve nav hewldanê û mesele ji wir wêdetir dest pê dike.

Carmela dê çawa bikaribe xwendekarê xwe biparêze? Pergala perwerdehiyê ku sînor datîne ber her tiştî dê çawa bê nermkirin? Zarokek çawa dikare bê qezenckirin? Yan jî mamosteyek çiqas dikare li hemberî pergala heyî ber xwe bide? Pêre jî li welatekî wekî Kuba ku welatekî laîk e dê çawa destûrê bide kesek ku baweriya wê ya olî jî hebe? Û gelek pirsên din... Derhêner Ernesto Daranas Serrano li ser xeteke zirav dimeşe. Rexneyê li pergalê jî dike, rexneyê li mamosteyên ji bo zarokek bi pirsgirêk bi ser guhê xwe re biavêjin dikevin çi rewşî jî dike. Ya herî girîng nîşan dide ku kesekî çawa dikare bê qezenckirin, dîsa ew nîşan dide ku ji bo kesekî çiqas pêdivî bi kedê heye...

Bi yek gotinê li Tirkiyeya ku qîmeta mirovan, qîmeta zarokan pênc pereye de pêdivî bi temaşekirina vî fîlmî heye. Ji bilî vî alî ji aliyê lîstîkvaniyê ve jî, li aliyê çîroka xwe ve jî fîlm hêjayî temaşekirinê ye.

Fîlmê "Conducta" li Kubayê di gîşeyê de rekor şikandiye, par li Hawana Xelata Fîlmê Herî Serketî, Lîstikvana Herî Serketî (A. Rodriguez), li Lîmayê Xelata Temaşevanan, Li Brazilla Xelata Senaryoya Herî Serketî, Li Malagayê Xelata Fîlmê Herî Serketî, Derhênerê Herî Serketî, Lîstikvana Herî Serketî (A.Rodriguez) û Xelata Temaşevanan girtiye.

Fîlm niha li Stenbolê di Festîvala Fîlman a Stenbolê de li benda temaşevanan e. Ji bo kesên bixwazin lê temaşe bikin, bernavme wisa ye:

- 17.04.2015, Saet 13:30 Sînemaya Rexx, Kadikoy

- 19.04.2015, Sate 16:00, Sînemaya Atlas, Beyoglu

Kunye: 

HAL VE GİDİŞ | CONDUCTA| BEHAVIOR

Derhêner û Senaryo: Ernesto Daranas Serrano 

Derhênerê Dîmenê: Alejandro Pérez / Vesazkirin: Pedro Suárez / Muzîk: Juan Antonio Leyva, Magda Rosa Galbán / Lîstikvan: Armando Valdés Freire, Alina Rodríguez, Silvia Águila, Yuliet Cruz / Sazkar: Ernesto Daranas Serrano / Şîrketa Sazkar: Rtv Comercial, İcaic / Welat: Kuba / Sal: 2014 /Rengîn,. 108 deqe / Ziman: Spanyolî, bi jêrnivîsa îngilîzî û tirkî

Nûçeyên eleqedar:

- Derî vebûn: Li Stenbolê du hefte fîlm serdest in! 

- Belgefîlmên kurdan li Festîvalê li benda we ne 

- Fîlmên kurdan li Festîvala Stenbolê dibin mêvan

- Agahiyên nû li ser Festîvala Fîlman a Stenbolê
- Pêşbaziya belgefîlman jî li festîvalê hate zêdekirin