Dihok

Li Dihokê paneleke li ser Şerefnameya Şerefxanê Bedlîsî û pêşangeheke ji wêneyên Şerefnameyê hate li dar xistin.

Wergêrê Kurdî yê Şerefnameyê Ziya Avci ku beşdarî semînera 'Kitêbek û Welatek: Şerefname û Kurdistan' bû, diyar kir ku Şerefxanê Bedlîsî di Şerefnameyê de behsa tiştên gelek girîng kirine û mînakên wiha da: "Yekem car, di Şerefnameyê de behsa yekîtiya neteweyî hate kirin. Sînorê Kurdistanê hate diyarkirir û Şerefxan bi her çar zaravayên wê demê diaxivî."

Semînera bi navê 'Kitêbek û Welatek: Şerefname û Kurdistan', li Salona Yekîtiya Nivîskarên Kurd-Duhokê, bi beşdariya Wergêrê Kurdî yê Şerefnameyê Ziya Avci, Lêkolîner û Hîndekarê Zanîngeha Dîcleyê ya Amedê Kadrî Yildirim û Rêveberê Weşanxaneya Avestayê Abdullah Keskîn hate lidarxistin. Di semînerê de 200 rewşenbîr, nivîskar û xwendekarên zanîngehê jî amade bûn. Di semînerê de li ser girîngiya Şerefnameyê û mijarên wê hatin kirin. Rêveberê Weşanxaneya Avestayê Abdullah Keskîn di axaftina xwe de li ser girîngiya çapkirina Şerefnameyê sekinî û wiha got: "Me ji ber girîngiya wê, Şerefname bi terzeke cuda û bi taybetî bi 2 şêweyan çap kir." Wergêrê Kurdî yê Şerefnameyê Ziya Avci, diyar kir ku Şerefxanê Bedlîsî di Şerefnameyê de behsa tiştên gelek girîng kirine û mînakên wiha da: "Yekem car, di Şerefnameyê de behsa yekîtiya neteweyî hate kirin. Sînorê Kurdistanê hate diyarkirir û Şerefxan bi her çar zaravayên wê demê diaxivî."

'Şerefxan bi xwe hem Şerefname nivîsandiye û hem jî wêne çêkirine'

Lêkolîner û Hîndekarê Zanîngeha Dîcleyê ya Amedê Kadrî Yildirim jî balkişand ser têkiliya di navbera wêne û agahiyên di Şerefnameyê de. Yildirim wiha got: "Tiştên herî girîng ew in ku nêzikatiyeke ecêb di navbera wêneyan û agahiyên dîroki yên hatine nivîsandin de heye." Yildirim diyar kir ku di Şerefnameyê de nêçîr tê xuyakirin û got ku ev jî taybetmendiyeke kurdan a ku di demen paş de hebûye û didome. Der barî pirsa "Kî wêneyên Şerefnameyê çêkirine?" de Yildirim ev bersiv da: "Heya niha dû nêrîn hene. Yek dibêje piştî ku Şerefname hatiye nivîsandin, çend sal pişti wî wêne lê hatine zêdekirin. Nêrîna duyemîn jî dibêje wêne û Şerefname di heman demê de bi hev re hatine çêkirin û nivîsandin. Li gorî lêkolînên li ser destnivîsên Şerefxan û nivîsên ser wêneyê hatine kirin, ev yek kes e. Ew jî tê wê watayê ku Şerefxan bi xwe hem Şerefname nivîsandiye û hem jî wêne çêkirine."

Ji DÎHA'yê hatiye girtin