Cemil Oguz
Xelatên Komeleya Rexnegirên Sînemayê (Siyad) ku li Tirkiyeyê wekî Oscarên Tirkiyeyê têne hesibandin îsal 47'emîn car hatin belavkirin. Derhêner Nuri Bilge Ceylan bi fîlmê xwe "Kiş Uykusu" xelata Derhênerê Herî Serketî û Fîlmê Herî Serketî jî di nav de di 6 waran de xelat girt û mohra xwe li şevê da.
SİYAD ev 47 car in her sal xelatê didin fîlmên salê. Fîlmên ku li Tirkiyeyê ketine vîzyonê, her wiha kurtefîlm û belgefîlm wekî fîlmê salê ji aliyê endamên komeleyê ve têne hilbijartin û bi merasimekê xwediyên wan tên xelat kirin. Ji bo merasima xelatdayîna îsal li CRR'ê şevek hate li dar xistin. Di şeva ku Ozge Ozberk pêşkêşvaniya wê kir de bi axaftina Seroka Siyadê Melis Behlil dest pê kir. Bellih, Berkin Elvan ku di bûyerên Geziyê de hatibû kuştin bibîr anî û dûre got ku ew dijî sansur û astengkirina azadiya ramanê ne, ew dijî her cude sansurê ne.
Serokê Rûmetê yê SİYAD'ê Atilla Dorsay jî diyar kir ku Tirkiye ji serdemeke zor re derbas dibe, li her derê mirov xemgîn in, dûre xwest ku îşev bibe şeva terapiyê.
'Bila zarok neyên kuştin'
Lîstikvan Melîke Demîrag ku derket xelatê bide kurteaxaftinek kir û got ku ew dixwaze aştî û hêvî li dinyayê bibe hakim û zarok neyên kuştin.
Di şevê de ji ber keda wan a ji bo sînemayê Îrfan Demîr, Genco Erkal, Atilla Ozdemiroglu, Nebahat Çehre û Yavuz Turgul bi Xelata Rûmetê hatin xelatkirin.
'Kiş Uykusu' xelat berhev kirin
Di şevê de fîlmê derhêner Nurî Bîlge Ceylan "Kiş Uykusu" (Xewa li Zivistanê) mohra xwe li şevê de. Fîlm di warê Fîlmê Herî Serketî, Derhênerê Herî Serketî (NBC), Lîstikvana Herî Serketî (Mesila Sozen), Lîstikvanê Herî Serketî (Haluk Bilginer), Lîstikvanê Dumeyîn ê Herî Serketî (Ayberk Pekcan) û di warê Derhênerê Dîmenê yê Herî Serketî (Gokhan Tiryaki) bi giştî di 6 waran de bi ser ket.
'Umut' bû yekemîn
Endamên Siyadê ji bo 100 saliya Sînemaya Tirkiyeyê jî ji nav hemû fîlmên heta niha hatine kişandin de 10 fîlmên herî serketî hilbijartin. Di nav 10 fîlmên hatin hilbijartin de 3 fîlmên ku Yilmaz Guney mohra xwe li wan daye derketin pêş.Di van de fîlmê Yilmaz Guney "Umut (Hêvî)" bû yekemîn. Lîsteya 10 fîlmên serketî yên sed salê wisa çêbû: 1- Umut (Yilmaz Guney), 2- Yol (Yilmaz Guney, Şerif Goren), 3- Sevmek Zamani (Metin Erksan), 4- Anayurt Oteli (Omer Kavur), 5- Vesikali Yarîm (Lutfi Akad), 6- Muhsin Bey (Yavuz Turgul), 7- Suru (Yilmaz Guney, Zeki Okten), 8- Selvi Boylum Al Yazmalim (Atif Yilmaz), 9- Masumiyet (Zeki Demirkubuz), 10- Bir Zamanlar Anadolu (Nuri Bilge Ceylan).
Vane Xelatên Siyadê yên di şevê de hatin belavkirin:
- Fîlmê Herî Serketî: Kiş Uykusu
- Derhênerê Herî Serketî: Nuri Bilge Ceylan (Kiş Uykusu)
- Xelata Mahmut Tali Ongoren a Senaryoya Herî Serketî: Deniz Akçay (Koksuz)
- Xelata Cahide Sonku ya Lîstikvana Herî Serketî: Melisa Sozen (Kiş Uykusu)
- Lîstikvanê Herî Serketî: Haluk Bilginer (Kiş Uykusu)
- Lîstikvana Duyemîn a Herî Serketî: Lale Başar (Koksuz)
- Lîstikvanê Duyemîn ê Herî Serketî: Ayberk Pekcan (Kiş Uykusu)
- Muzîka Herî Serketî: Kenan Dogulu (Unutursam Fisilda)
- Derhênerê Dîmenê yê Herî Serketî: Gokhan Tiryaki (Kiş Uykusu)
- Vesazkirina Herî Serketî: Yorgos Mavropsaridis (Sivas)
- Derhênerê Dîmenê yê Herî Serketî: Soydan Kuş (Unutursam Fısılda)
- Belgefîlmê Herî Serketî: Tepecik Hayal Okulu (Derhêner Guliz Saglam)
- Kurtefîlmê Herî Serketî: Mujdeler Var Yurdumun Topragina Taşina, Erdi Sinemam 100 Şeref Yaşina! (Derhêner Melik Saraçoglu û Hakki Kurtuluş)
Nuri Bilge Ceylan careke din xelat berhev kirin.
Derhêner Yavuz Turgul xelata rûmetê girt.
10 fîlmên herî serketî yên sed salê hatin hilbijartin. Ji van fîlman kesê têde cih girtibûn û hê dijîn derketin ser dikê.
Kenan Dogulu ku xelata Muzîka Herî Serketî girt, ligel lêdana piyanoyê stranek jî pêşkêşî temaşevanan kir.
Foto: Cemil Oguz
REKLAM
"Ji Osmanî heta Komarê Dêrsim"