DIYARNAME
Festîvaley Fîlman ay Venedîkî emsar 77'inan rey hamî viraştişî. Festîvale şanê 12'yê aşme de bi merasimê xelatan temam bî. Fîlmê derhêner Chloe Zhao ê bi namey "Nomadland" xelata pîlê ya festîvale "Şêro Zêrîn" girot. Xelata "Şêro Zîvîn" ke danê derhênero serkewte jî bi fîlmê "Spy No Tsuma" da derhênerê japonî Kiyoshi Kuroawa
Xelatey Kaykerdoxo Serkewte kaykerdoxê îtalî Pierfrancesco Favino, xelata Kaykerdoxa Serkewtî jî kaykerdoxa îngilîz Vanessa Kirby girote.
Di şewe de enî xelatî hamey vilakerdişî:
- Fîlmo Serkewte Xelatey Şêro Zêrîn: Nomadland / Derhêner Chloe Zhao
- Derhênero Serkewte Xelatey Şêro Zîvîn: Kiyoshi Kuroawa (bi fîlmê "Spy No Tsuma")
-Kaykerdoxo Serkewte: Pierfrancesco Favino (Bi rolê di fîlmê "Padrenostro" de)
- Kaykerdoxa Serkewtî: Vanessa Kirby (Bi rolê di Piece of A Woman" de)
- Xelata Taybete ya Jurî: Andrei Konchalovsky (bi fîlmê "Dear Comrades")
- Xelatey Şêro Seranê Bêrê: "Listen" (Derhêner Ana Rocha de Sousa)
Xeynî înan di "Xelatey Heftey Rexnegiranê Sînema" de ke eno 35 sareyo virazenê, xelat da fîlmê "Hayaletler" (Ghobosts) ê derhêner Azra Deniz Okyay.
Dimay temamkerdişê festîvale biryar hamî girotişî ke serey vernî ma di miyanê 1-11'ê êlone de festîvala 78'inan bêro viraştişî.