Diyarname
UNICEF'ê "Roja Destşûştinê ya Dinyayê" jî diyar kir û got: Bi destşûştinê salê mîlyonek zarok ji mirinê difilitin.

Fona Alîkariya Zarokan a Neteweyên Yekbûyî (UNICEF) 15'ê vê mehê Roja Destşûştinê ya Dinyayê qebûl kir û bal kişand ser girîngiya destşûştinê. Li gor UNICEF'ê, bi awayekî baş destşûştinê her sal li dinyayê mîlyonekî zarok dê ji mirinê bifilitin.

Berdevkê UNICEF'ê Veronique Taveau da zanîn ku her roj li dinyayê 5 hezar zarokên di bin temenê 5'an de ji ber nexweşiyên wekî emelê dimirin û wiha berdewam kir: "Ger zarok berî xwarinê û piştî ku ji tiwaletê derdikevin bi awayekî baş bi sabûnê destên xwe bişon nîvê van mirinan dê pêk neyê."

Taveau da zanîn ku beşdarên Roja Destşûştinê ya Dinyayê zarok bi xwe ne, ew dixwazin ji bo paqijiyê têbikoşin û wisa got: "Zarok dema werin mala xwe bi tevgereke hêsan, tenê bi destşûştinê dikarin jiyana xwe rizgar bikin."

UNICEF bi xê xebatê di serî de li welatên Asya û Afrîkayê li 60 welatên ku pêş dikevin dê xebatê bike û balê bikişîn eser paqijiyê.

Li gor agahiyên rêxistinê li gelek welatan xuya destşûştinê di navbera rêjeya 0 û 34'an de ye.

Li Asyayê bi taybetî li Hindistan, Bangladeş û Afganistanê rewşa paqijiyê xirab e û li rojavayê parzemîna Afrîkayê jî sedema mirina zarokan a ji nexweşiyên wekî emelê di rêza sêyem de ye.