Helîm Yûsiv

Serbilind be kurê min (diyalog)

Li Kobanî bavekî şervan kurê xwe yê ji derbideriyê vegeriyayî hemêz dike. 

- Ji bo sibe tu mezin bibî û nebêje bavê min mala me da dest dijminan û em derbider kirin, min şer kir kurê min.

- Ji bo tu serbilind bijî, bavê te qirika xwe neda ber kêra wan, serî li ber wan netewand, li ber xwe da û rê li ber vegera te vekir.

Serbilind be kurê min, tiştê ku bavên me ji me re nekirin, me ji bo we kir.

- Tu dibînî rizgarkirina bajarekî be jî çiqasî xweş e. Naxwe çawa ku bibe rizgarkirina welatekî.

- Mane welat ji gelek bajar û gundan pêk tê bavo?

- Rê dirêje kurê min û vaye me lingê xwe danî ser destpêka rê.

Were hemêza bavê xwe, min bêriya rengê kenê te û bêriya bêhna azadiyê kiriye

- Azadî çiye bavo?

- Azadî lîstoka herî xweşik ya zarokekî ye.

- Navê wî zarokî çi ye bavo?

- Navê wî şehîd e kurê min.

Diyalog dewam dike...