cam dişikin.
ku derbeke bêhêz bixwin, diderizin!
lê ku bikevin erdê, hûr-hûrî dibin.
ne cam bûn yên ku di ‘şeva camên şikestî’ de şikestin:
-- na xwe?
-- can bûn, can!
û can, canên di sermayê de qurfok û qutufok, mîna camên tenik ê nazik di şevekê de bûn piç… û parî:
bi devê generalekî: Henrîch Hîmmler!
ha Alahûekber ha haayyy Hîtler:
û cam nehiştin bi pacan ve…
bi devê deriyan ve, bi mirêkên li malan ve.
wextê xewa şîrîn bû, demeke şevê
ji şevan di ‘şeva camên şikestî’ de
jineke pormar nû rabibû ji ber neynikê:
ew jî hûrî hera bû bi neynikê re li erdê!
li erdê, li ser qitîtkên camên li erdê bêjiyên Hitlêr rabûn tapanê!
û cam şikestin!
cam hûr hûrî bûn!
cam qetîtk qetîtkî…
- ne camên pacan bûn yên ku dihatin şikandin!
- û ne lalîkên qezêz bûn ku di reqseke sîrtakî de li erdê bêne xistin!
- Yahûdî bûn, Yahûdî!
- ya Xuda bûn, ya Xuda!
yaaaa Xudaaaa…
li pêş çavên te rûda ‘şeva camên şikestî’!
di reqsa li ser qeşayê de cama pêşî Hîmmler li erdê da,
û got: haaayyy Hîtler!
Xweda vê carî jî bêdeng ma!
18/12/2008/Amed
*Di 9’ê sermaweza 1938’an de li Polonyayê navê tevgera kuştina Yahûdiyan.
.jpg)
