DiyarName.Com

BEDEN, KRÎZ Û KORONA

Dîrok: 25/03/2020

Wexta serê min tevlîhev be hewl didim bixwînim û binivîsînim, nebe bi tişt miştên herî ji rêzê re mijûl dibim. Aniha hatime bi kevirên sîsik re mijûl im. Kêlîkekê bo rojevê sernav hat hişê min, rûniştim li ser whatsapê dinivîsînim.

Li Qoserê min bi bîrxistibû bo azadiyê bo jiyaneke baş divê bala me li bedenê be. Bi gotineke basît beden bandorê li hiş û rih dike. Foucault bi pêbesta desthilatiyê rih wekî girtîgeha bedenê derbiriye.

Dema modern bi qasî hiş û rih li bedenê miqate nebûye piştî vîrûsê yek ji îhtimalan ew e beden bi qasî rih were rojevê; Di warê fikrî û edebî de di jiyana rojane de jî ê însan lê bifikirin bê leymûnek û tasek av bo bedenê tê çi mehneyê?

Korona bi çi şiklî peyda bûbe jî bû sebebê krîzê belê korona li hêlekê jî bihuka Kafka ye gelek komplo û analîz mijar in em aliyê fikrî û rastiyên desthilatiyan bihêlin bo fikirdar û fîlozofan û bi qasî têgeha derûniyê saxî û selametiyê jî îhmal nekin.

Xuya ye vê nivîsê jî meselê di hişê min de safî nekir çimkî çavê min hê jî li keviran e!

Ez ê fotografê çend heban bikişînim bila Cemîl bi tevî nivîsê bi we re par ve bike...

Hin Nivîsen Nivîskar

Di edebiyatê de nêzikahiya li nirx û sembolan

13 Berfanbar 2019

Sembol û nirx, li gorî niyetan, mehne digirin têne bikaranîn. Li başûr "şerefa Kurdistanê" ji jiyana wan, êş û azarên wan û xeyalên wan bimehne...

Bila ev nîşe ji bo aştiyê bin

21 Tebax 2009

Kêliyên lihevhatinê ger em wekî demsalekê bifikirindişibe halê atmosferê yê biharê; geh ewr be geh sayî. Wextê ewr be jî yê geh ewrê...

Nivîsîna bi kurdî an jî bi tirkî

04 Sibat 2015

Ji salên nodî heya salên du hezarî, wekî tewreke siyasî, rexne li wan kesan dihate girtin ku çima ew bi tirkî dinivîsînin. Êdî kes rexneyên wisa nade...

Cîhan ROJ kî ye?

Cîhan Roj, di sala 1965'an de, (di qeyda fermî de 1964) li gundê Înaqa Gimgimê ji dayik bûye. Dibistana seretayî li gund, ya navîn û lîse li Gimgimê xwendiye. Despêka bi kurmancînivîsana wî 1993 ye. Di heman salê de helbest û çîrokên wî têne weşandin. Di salên du hezarî de ew hinek termên matematîgê diafirîne û ji Enstituyê re bi rê dike. Ew xebat di sala 2006'an de di Azadiya Welat de tê weşandin. Nivîskar ji sala 1993'yan heya sala 1997 an li Mêrdînê, li sendîkaya kedkarên qada perwerdehiyê, wekî sekreterê perwerdehiyê rêveberî dike. Di sala 2001'ê de, bi pêşniyara wî, li Îzmîrê, ‘Konferansa Nivîskaran’ tê lidarxisitin. Li dû konferansê, ew qerar digire û bi tenê bi edebiyatê re mijûl dibe. Dîwana wî ya ewil “Ratîka” di sala 2002'yan de çap bûye. Di gelek malper, rojname û kovaran de, nivîsên wî hatine weşandin. Romana wî “Perde” bi navê “Mahrum” bi tirkî derketiye. Bi tevî pirtûkek di derheqê Cîgerxwîn de hatiye weşandin, di pirtûka bi navê “Kawayê Min” de û di pirtûka kurteçîrokan a ji hêla Şaredariya Amedê ve hatiye çapkirin de ew jî yek ji nivîskaran bû.

Heya niha gelek pirtûkên wî ên helbestê, çîrok û romanên wî hatine weşandin. Dosya helbestan a nû "Asê", romana wî a nû “7 AV 7 Agir 7 Derî” bi tevî hemî berhemên wî wê heya payîza 2023'yan ji nav weşanên Peywendê werin weşandin.

Cîhan Roj hê jî bi romanûsiyê re mijûl e.