Riha

Rojnameger Serena Shim ku gotibû 'Rêxistina Îstîxbarata Tirk (MÎT) min wekî ajan bi nav dike û ez ditirsim min bigirin' li Rihayê di qezaya trafîkê de mir.

Serena Shim bi eslê xwe ji Lubnanê, hemwelatiya DYA'yê ye û ji bo beşa îngilîzî ya Press TV dixebitiya. Press TV kanaleke Îranê ye û bi gelek zimanan weşanê dike. Serena Shim jî ji bo şopandina bûyerên il Kobanî hatibû Sirûcê. Shim di qezayeke trafîkê ku li Pirsûsê çêbû de mir.

Shim di nûçeya ku roja înê (17'ê vê mehê) pêşkêş kiribû de îDîa kiribû ku MÎT wê wekî ajan nîşan dide û ew ditirse ku bê girtin. Shim gotibû ku dîmen li cem wê hene ku dema konvoyên ji Tirkiyeyê derbasî Sûriyê dibin endamên DAIŞ'ê jî têde ne.

Di qezayê de kameramanê heman TV'yê Judy Irish birîndar bû û ew rakirin Nexweşxaneya Dewletê ya Pirsûsê.

Rojnameger Serena Shim 30 salî bû.