NAVENDA NÛÇEYAN 

Ajansa Nûçeyan a Fransî (AFP), der barê êrîşên çeteyên DAIŞ'ê de nûçeyek weşand û got ku li ser banga PKK'ê di nava çend rojan de ji Tirkiyeyê 800 kurd tevlî YPG'ê bûn. 

 AFP'ê di nûçeya xwe de cih da daxuyaniya Mala Şopandinê ya Mafê Mirovan a Suriyeyê. Midûrê Mala Şopandinê Ramî Abdulrahman ji bo ajansê gotiye ku di nav çend rojên dawî de ji Tirkiyeyê herî hindik 800 kurd ji bo piştgiriyê bidin berxwedana Kobanê beşdarî şervanên YPG'ê bûne. Di nûçeyê de hat gotin ku şervanên kurd li hember êrîşeke nû ya DAIŞ'ê amadekarî dikin. 

Di nava 2 hefteyên dawî de êrîşên çeteyên DAIŞ'ê yên li hember Rojava zêde bûn, kurdan li hember êrîşan li ser sînor kon vedan û tê gotin ku bi sedan ciwan sînor derbas kirin û tevli refên YPG'ê bûn