Nûçe-Analîz / Diyarname
Serokwezîrê Tirkiyeyê  Ahmet Davutoglu piştî beşdarî Civîna Agahdakirina Wezareta Perwerdehî ya Neteweyî bû ji bo rojnamegeran axivî. Davutoglu li ser kurdî û dibistanên kurdî yên demên dawî de vebûne û dewletê girtine wisa got: "Kurdî jî wekî tirkiya me ya xweşik zimanekî me ye. Wekî gelek zarava û zimanên din. Her yek xwedî hurmetê ye, her yek ji bo me ezîz e. Ji ber ku di navbera mirovan de ragihandina wî zimanî, bikaranîna wê girîng e. Me wekî şoreşek gav avêtine. Serdemeke nû dest pê dike. Yekemîn car dê mamosteyên kurdî bêne peywirdarkirin."
Ji bo zimanê kurdî ku Serokwezîrê Tirkiyeyê Davutoglu wekî ku tirkî û kurdî heman xweşikahî nîşan bide diaxive lê îsal li Tirkiyeyê 40 hezar mamoste hatin peywirdarkirin di nav van de tenê 17 heb ji bo kurdî mamoste girtine kar... Xweşikî li ku maye êdî nayê zanîn.
Davutoglu ji bo dibistanên kurdî ku saziyên sivîl ên kurdan vekirin û dewletê girtin jî wisa got: "Prosedurek ji bo dibistanan heye. Lê yek rabe hema bibêje ya min rast nabe, em zordariyeke wisa ku pergala Tirkiyeyê xira dike qebûl hakin. Em destûr nadin vê yekê. Divê her kes vê bizane." Ji gotinên Davutoglu ev derdikeve ku me çiqas da bi wê qayil bin.