Diyarname
65'emîn Festîvala Fîlman a Venedîkê bi nîşandayîna fîlmê "Burn After Reading" a birayên Coen dest pê kir.

Festîvala Fîlman a Venedîkê yek ji kevintirîn festîvalên li dinyayê ye û îsal 65'emîn car li dar dikeve. Di festîvalê de 21 fîlm ji bo xelata mezan Xelata Şêrê Zêrîn dikevin pêşbaziyê.

Di nav van 21 fîlman de ji Tirkiyeyê jî du fîlm hene: "Sut (Şîr)" a Semih Kaplanoglu û "Mukemmel Bir Gun (Rojeke Mikemel)" a Ferzan Ozpetek heye. Ji Amerîkayê jî 5 fîlm beşdarî festîvalê dibin.

Jonathan Demme ku du caran Xelata Oscarê girtiye bi fîlmê xwe "Rachel Getting Married" yek ji fîlmê ku dê di festîvalê de balê bikişîne ye. Di serlîktivaniya fîlm de Debra Winger û Anne Hathaway hene.
Dîsa fîlmê derhêner Kathryn Bigelow "Hurt Locker" ku li ser şerê li Iraqê kişandiye jî rexnegir li bendê ne ku balê bikişîne.

Festîval heta 6'ê rezberê dê berdewam bike.