Diyarname
80'emîn Xelatên Oscarê bi merasîmekê li Los Angelesê hatin dayîn. Di merasimê de fîlmê bi navê “No Country For Old Men” di 4 beşan de Oscar qezenc kir.

Di beşa lîstikvanê mêr ê herî serketî de Daniel Day Lewis û di beşa lîstikvana jin a herî serketî de jî lîstikvana fransiz Marion Cotillard xelat wergirt. Merasîma Oscarê ji aliyê komedyen John Stewart ve hate pêşkêşkirin. Derhênerên fîlmê “No Country for Old Men” (Ji bo extiyaran cih nîn e) birayên Cohen mohra xwe li Oscarê xistin. Fîlm di warê fîlmê herî serketî, derhênerê herî serketî û lêanîna senaryoyê ya herî serketî de xelat wergirt û birayên Cohen (Ethan û Joel Cohen) çend caran derketin ser dikê û xelatên xwe wergirtin. Her wiha lîstikvanê fîlm ê îspanyolî Javier Bardem di warê lîstîkvanê duyem yê herî serketî de xelat wergirt.
Xelata lîstikvana herî serketî listikvana fransiz Marion Cotillard bi rola xwe ya di fîlmê "La Vie En Rose" (Çivîka li ser peyarêyê) de ku di fîlm de jiyana hunermend Edith Piaf dilîze wergirt.

Di warê lîstikvanê herî serketî de jî lîstikvanê îngilîz Dainel Day-Lewis bi ser ket. Lewis bi rola xwe ya di fîlmê “There Will Be Blood” (Dê xwîn birije) de bû xwediyê Oscarê.

Di warê lîstikvana duyem a herî serketî de jî lîstikvanê îngilîz Tilda Swinton bi rola xwe ya di fîlmê “Michael Clayton” xelata Oscarê wergirt.

Û xelatên din:

- Fîlmê Biyanî yê Herî Serketî: The Counterfeiters (Avusturya)

- Efektên Herî Serketî: The Golden Compass

- Amînasyona Herî Serketî: Ratatouille

- Kurtefilm (anîmasyona zindî): Le Mozart des Pickpockets (The Mozart of Pickpockets)

- Kincên Herî Serketî: Elizabeth: The Golden Age

- Belgefîlmê Herî Serketî: Taxi to the Dark Side

- Efektên Herî Serketî: The Bourne Ultimatum

- Muzîka Herî Serketî: Dario Marianelli (Atonement)