Diyarname
Weşanxaneya Lîs hemû berhemên Osman Sebrî di bin navê "Hevalê Çak" de weşand.

Osman Sebrî (1905, Narincê, Kolik, Semsûr – 1993, Şam, Sûrî) pexşan-nivîskar, helbestkar, wergêr, şervan, siyasetmedar û rewşenbîrekî kurd ê hêja bû. Wî jiyana xwe di nav têkoşînê de dom kir, li dû xwe gelek berhem jî hişt. Niha Weşanxaneya Lîs ku li Amedê weşana didomîne hemû berhemên Sebrî di bin navê "Hevalê Çak" de weşand.

"Hevalê Çak" pirtûka hemû pexşanên Osman Sebrî, 16 nivîsên wî yên ku di kovara Hawarê de, 18 hebên ku di kovara Ronahîyê de belav bûne û her wiha 20 hebên ku di destxetan de mane û ji bo cara pêşîn têne çapkirin pêşkêş dike. Pirtûka ku bi li dû amadekariya A. Balî û Hoşeng Sebrî derkete holê, Şivanê Dêrikî edîtoriya wê, her wiha Ozlem Salmişê tîprêziya wê kir.

Hevalê Çak - Hemû Pexşan / Osman Sebrî / Pexşan / 240 rûpel