Diyarname
Tîma Fûtbolê ya Jinan a Culemêrgê li Tirkiyeyê di Lîga Jinan Koma 7'an de dilîst. Komê maça xwe ya dawî roja 9'ê vê mehê li Taşliçay Kamu Genç Kizlar lîst û bi 0-3 bi ser ket. Ev koma jinan a fûtbolê ku navê wê yê fermî Hakkarigucu Spor e, bi vê serketinê maf bi dest xist ku play-offê bilîze. Ger di vê play-offa ku roja 20'ê vê mehê li dar ket de bi ser biketa dê play-offa duyemn bilîsta û di encama serketinê de dê derbasî lîgek pêştir bibe. Lê nebû. Maç li Golbaşiya Enqereyê hat lîstin. Di vê maçê de Hakkarigucu derket pêşberî Beden Egitimi ve Spor Egt.Mer.Spor û bi 2-6 têk çû.
Belê tîma jinana Hakkarigucu Spor têk çû lê ji bo salên pêş hêvî jî dan.
Niha em bên ser vê fotoyê: Duh (22'yê avrêlê) Hevserokê BDP'ê Selahattin Demirtaş ligel mebûsên BDP'ê Sirri Sakik û Hasip Kaplan tîma Hakkarigucu Spor kirin mevanên xwe, bi wan re sohbet kir û ji bo wan, ji bo pêşerojê serketin xwestin.
Agahiyek li ser tîmê:
Tîma Hakkarigucu Spor ji van lîstikvan pêk tê:
GÜLSÜM TUNÇ (Qeleparêz)
İMADE ÖZEL
LEYLA GÜLAL
ZÜLEYHA DAYAN
ÖZNUR BAYSAL
CEMİLE TİMUR
ÖZLEM AKKAYA
BERNA PİŞGİNEL
KIYMET KURT
BAŞAK ERSOY
HACİCE YAŞAR
ZEYNEP GÜZEL
CAHİDE TİMUR
MİZGİN OKKAN
AYGEL AKKAYA
ZÜLEYHA ALKAN
NEBAHAT KARADENİZ
SEMRA KAPLAN
Her wiha teknîk dîrektorê tîmê jî Tahir Temel e. Serokê Klûba Hakkarigucu Sporê Huseyin Adiyaman e. HakkariGucu Spor di sala 2012'yan de hat avakirin.