Diyarname
Serokê Lijneya Rêveberiya Hilbijartinê ya Bilind a Iraqê Serbest Mistefa li Hewlêrê li ser hilbijartinê daxuyaniyeke da çapemeniyê. Mistefa encamên sedî 95'ê sindoqên ku rêyên di hundir de hatine jimartin eşkere kir.
Li gor Mistefa encama niha bi vî rengî ye:
PDK: 719.004 deng girtiye
Tevgera Goran: 446.095 deng girtiye
YNK: 323.867 deng girtiye
Yekgurtiya Îslamî Kurdistan: 178.681 deng
Komalî Îslamî Kurdistan: 113.260
Bizotnewey Îslamî: 20.795
Partiya Sosyal Demokrat a Kurdistan: 11.828
Lîsteya Azadî: 11. 768
ArasteySêyem: 8.268
Lîsteya Rafîdeyn: 5.963
Koma Keldanî-Suryanî-Asûrî: 5.599
Tevgera Pêşverû ya Tirkmenan: 5.173
Hizbi Ayende: 3.868
PÇDK: 3.605
Mafên Gelê Kurd: 2.817
Partî Parezgaranî Kurdistan: 2.420
Mafî Gel: 2.005
Lîsteya Tirkmenên Erbîlê: 1.856
Lîsteya Guherîn û Nûbûnê ya Tirkmenan: 1.829
Yekitiye Neteweyi Demokratik Kurdistan (YNDK): 1.717
Eniya Tirkmenên Iraqê: 1.667
Lîstî Çaksazî û Geşe: 1.323
Lîsteya AbnaAlnhrîn: 1048
Tevgeran Demokratîk Tirkmenan: 1.002
Serbixwe: 864.
Li gorî vê encamê ji 111 mebûsên Parlemena Kurdistanê PDK 38, Goran 24, YNK'ê 17, Yekgurtiye Îslamî 9, Komala Îslamî 6, Partiya Sosyal Demokratî Kurdistan 1 mebûs bi dest xistiye.
Ji parlemenê 11 mebûs ji bo kêmaran hatine terxankirin (Tirkmen, Asûrî, Suryanî, Êzîdî). Dema ev jî tê belavkirin 5 mebûs dimînin. Hê ne diyar e ev 5 mebûs dê çawa bêne belavkirin.
Li gor vê encamê PDK bûye yekemîn lê mebûsên wê têrê nakin ku hikumetê ava bike û dê mecbûrî bi partiyek din re hikumetê ava bike. Di rojên pêş de ev yek dê zelal bibe.