Bi pereyên talanê xaniyên kurdan dikirin
AZÎZ KOYLUOGLÛ - QAMIÞLO
Bi armanca valakirina rojavayê Kurdistanê, ji aliyekî ve ambargo û êrîþ tên meþandin, ji aliyê din ve jî siyaseta erebkirinê didome. Hat hînbûn ku ev demeke komên Îslamî bi armanca erebkirina herêmê pereyan didin malbatên ereb ên ji Dêra Zor û Helebê koçî Qamiþloyê kirine da ku li bajêr xaniyan bikirin û lê bicih bibin.
Siyaseta erebkirina rojavaya Kurdistan û guhertina demografiya heremê bi gelek þêwazan didome. Ji aliyekî ve ambargo û êrîþ tên meþanin ji aliyê din ve siyaseta erebkirina heremê didome. Çavkaniyekî Mehelmî yê Ereb li Qamiþlo da zanîn ku ev demeke komên Îslamî bi armanca erebkirina herêmê pereyan didin malbatên ereb ên ji Dêra Zor û Helebê koçî Qamiþloyê kirine da ku li bajêr xaniyan bikirin û lê bi cih bibin. Çavkaniyê nexwest navê xwe eþkere bike, anî ziman ku heta niha bi vê armaca 35 xanî li bajarê Qamiþlo ji aliyê wan komên Îslamî ve hatine kirîn û malbatên ji Dêra Zorê, Helebê yê nêzîkî wan koman lê hatine bicih kirine.
KURD KOÇ DIKIN, EREB TÊN ÞÛNA WAN
Ji ber êrîþan heta niha bi sedhezaran kurd ji rojavaya Kurdistanê koçber bûne û lê beramberê wê jî bi sed hezaran ereb ji bajarên Dêra Zorê, Heleb, Reqa koçî rojavaya Kurdistan kirine. Li gorî daneyên hatine bi dest xistin, nêzî 200 hezar kurd koçî baþûrê Kurdistanê kirine. Çavkaniyên heremê didin diyar kirin ku ji ber koçberiya kurdan a derveyî rojavayê Kurdistan û hatina ereban a heremê, zimanê bazara Qamiþlo bi giranî bûye erebî.
BI PEREYÊ TALANÊ XANIYÊ KURDAN DIKIRIN
Komên Îslamî yên bi þerê li Sûriyê re xwe dan der, bi kuþtin, talan û þelandinê hatin rojevê û bi mîlyon dolaran alavên dewletê û gel desteser kirin. Bi tenê firotina petrola xav a li heremê, tê gotin wan koman bi mîlyon dolaran qezenc kirine. Komên mijara gotinê ji bo dagirkirina rojavayê Kurdistanê ev demeke êrîþ dikin û li berxwedana gelê kurd rast tên. Komên çete yên nikarin bi rêya leþkerî rojavaya Kurdistanê dagir bikin, vê carê þêwazên cuda bikartînin.
Çavkaniyek ne xwest navê xwe eþkere bike anî ziman ku heta niha bi vê armaca 35 xanî li bajarê Qamiþlo ji aliyê wan komên Îslamî ve hatine kirîn û malbatên ji Dêra Zorê, Helebê yê nêzîkî wan koman lê hatine bicih kirine.
Çavkaniyê heremê didin zanîn ger koçberiya kurdan û hatine ereban li rojavayê Kurdistanê wiha bidome dê demografiya heremê bi temamî biguhere. Tê gotin, ev koçberiya kurdan ji siyaseta Kembera Erebî bêtir xetere ye.
ANF