Diyarname

Ji bo piştgiriya Rojava KCD, BDP, DOKH, Meclisa Ciwanan û gelek saziyên sivîl, ji bo parastina Şoreşa Rojava roja 4'ê mehê dê meşek ber bi Serêkaniyê bihata li dar xistin. Meşê dest pê kir lê ji her alî ve rastî êrîşê hat,

Di meş û çalakiyên rûniştê ku dê di navbera 4-5-6'ê mehê li dar biketa vane notên roja pêşî, notên roja 4'ê mehê:

Demirtaş: AKP naxwaze sûcê dike derkeve holê

Piştî mudexeleya polîsan Hevserokê BDP'ê Selahattin Demirtaş, mebûsên BDP'ê û komek hemwelatî careke din li Parka Uç Fidan hatin ba hev û dest bi çalakiya rûniştinê kirin. Demirtaş li vê derê axivî, nerazîbûn li hemberî êrîşapolîsan da û wisa got: "AKP naxwaze sûcê wê yê mezin ku dike derkeve holê. Bi mehan e di bin çavdêriya leşkerî de çekan didin çeteyên girêdayî El-Kaideyê, endamên çeteyan li Tirkiyeyê derman dikin, sînor ji holê rakirine. Ev çete komkujiyê dikin. Hem li gor hiqûqa neteweyî hem jî li for ya navneteweyî sûc tê kirin. Di hevdîtinên li meclisê de me got 'Ev sûc e, wisa nekin, hikumetek nikare eşkere sûcek bike'. Niha çete pêncî metre wî aliyê sînorême komkujiyê dikin. Ma emê li hemberî vê bêdeng bimînin, emê erê bikin?.. Em hem li cem gelê xwe yê Rojava, hem li cem Serêkaniyê ne. Gelê me ne tenê ye."

Êrîşê konvoya Demirtaş kirin

Konvoya ku Hevserokê BDP'ê Selahattin Demirtaş û Hevseroka KCD'ê Aysel Tugluk jî têde bû rastî êrîşa polîs û leşkeran hat.

Di êrîşa li ser rêya Wêranşar û Serêkaniyê li dar ket de Demirtaş jî ji mudexeleyê para xwe girt.

Li Wêranşarê yek birîndar kirin

Konvoya ku ji Wêranşarê ber bi Serêkaniyê ve diçû rastî êrîşa polîsan hat. Di êrîşê de jinek bi navê Ayla fîşeta gazê lê ket û birîdar bûn. Ew rakirin nexweşxaneyê.

Mehmet Ocalan hat binçavkirin

Birê Abdullah Ocalan Mehmet Ocalan hat binçavkirin. Sedem wekî lêpirsîneke berê hat nîşandayîn lê Ocalan dibêje di demeke wisa de ev binçavkirina bi wate ye. Ji ber ku navnîşana min diyar e, tiştek wisa heba cihê min diyar e.

Ceza li erebeyan birî

Li ser rêya Hîlwan û Sêwregê li du cihan erebe hatin rawestandin. Polîsan yek bi yek erebe qontrol kirin û li gelek erebeyan cezaya pereyan birî.

***

Nûçeya eleqedar:

- Bernameya meşa Serêkaniyê ya ji bo Rojava