Diyarname
Kovara du mehane ya çandî û hunerî Tîroj hejmara xwe ya tîrmeh û gelawêjê derxist. Di kovarê de li ser "Ji Geziyê ber bi pêşerojê... Kurd û çepgirî" hatiye nîqaşkirin.
Tîroj ku ev 11 sal in bi kurdî û tirkî weşanê dike hejmara xwe ya 63'yan derxist. Kovarê meseleya Geziya Taksîma Stenbolê ku di rojeva Tirkiyeyê de ye daye nîqaşkirin. Di forûma kovarê ku di cihê dosyayê de hatiye amadekirinj i aliyê Serpil İlgun ve hatiye amadekirin û Cîgir Doç. Bulent Kuçuk, Harun Ercan û Foti Benlisoy li ser meseleyê axivîne.
Ji bilî vê, Ferda Çetin û Mehmet Çetin bi tirkî, Îsmaîl Dîndar jî bi kurdî li ser mijarê nivîs pêşkêş kirine.
Ji nivîsên kurdî Dawid Yeşîlmen li ser "Ziman, felsefe û xebatên felsefî yên komeleya felsefenasan a li Amedê", M.Zahir Kayan "Eşq", Prof. Dr. Kinyazê Îbrahîm li ser "Kurdên Kazakistanê", Abdulkadîr Bingol li ser "Hin gotinên pêşiyan ên herêma Botanê" nivîsa xwe nivîsandiye û Fehim Işik jî li ser "Konferansa Bakurê Kurdistanê" nivîseke weşandiye.
Ferzan Şêr li ser pirtûka çîrokan a Sîdar Jîr "Dozgeh Çirk" nivîsa xwe bi sernavê "Guh dibin 'Pistepist'ên Jîr(o)" pêşkêş kiriye. Her wiha Lorîn S. Dogan jî çîroka Yusuf Atilgan "Bar" wergerandiye kurdî
Ji hevpeyvînan Guler Yildiz bi tirkî bi Mikail Aslan re li ser muzîka kirmanckî, Îsmaîl Dîndar jî bi Şêxmûs Sefer re li ser PEN'a Kurd, Çîdem Baran jî bi şanogera ciwan Pelda Bal re li ser xebatên wê pêre hevpeyvînek kiriye.
Her wiha Şeyhmus Diken, Cuma Boynukara, Bulent Falakoglu, Cîgr Doç. Dr Suncem Koçer, Mesûd Serfiraz, Muzaffer Oruçoglu, İrfan Kaygisiz, Funda Yagli, Bariş Avşar bi nivîsên xwe, Şivan Zeren, Sitêrkê Sîpan û Edgar Allan Poe jî bi helbestên xwe di kovarê de cih girtine.
***
Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.