Diyarname
Sipîkera Serokê Libyayê Miammer Qedafî Hale el-Misratî tevî çekê xwe derket ekranê û ji bo muxalifên ku heta paytext Trablûsê hatine got: "Ew nêzî min bibin ezê bi vî çekî wan li wan xim."

Li Libyayê di navbera hêzên Qedafî û hêzên muxalif de pevçûn didome. Herî dawî gotin muxalif heta paytexta Libyayê Trablûsê jî hatine.

Sipîker El-Misratî di dema pêşkêşkirina nûçeyan de bi dengekî bilind, demançeyê di dest de nîşan da û got: "Ev çekê min e... Ey qatil! Ey mektul" Ev televîzyona Libyayê ye. Televîzyona ciwanan. Televîzyona cemahiriye. Trablus... Tuyê nikaribî Libyayê bi dest bixî. Bi vî çekê xwe ezê hemû hevalên xwe yên li televîzyonê biparêzim. Ez amade me ku şehîd bikevim."

Heta niha li dinyayê gelek pêşkêşvan bi şiklên cur bi cur ketibûn rojeva dinyayê, niha cureyeke din jî derket holê: Pêşkêşvana çekdar.

Vaye vîdyo: